NURSERY VENG LOCAL LEVEL TASK FORCE THUCHHUAH

Dt 07.04.2021 Nilaini khan, AMC Auditorium ah Special Inspection Campaign on Fire Safety Programme chu neih a ni a, he hunah hian Kangmei chhuak thei laka fimkhur pawimawhzia ngun taka zirho a ni. Khua a thalin kangmei chhuah palh hi a hlauhawm reng em em a, mitin te Kangmei chhuak thei lakah i fimkhur chhunzawm zel ang u. He meetinga an thu zirho pawimawh zual, veng mipuite tana zawm atana pawimawhte lo tarlang ila:-

1. Inbul/inhnuaia ar vulh ten Electrict kan fit dan,wire hman leh bulb kan dahna hmun te ennawn fova, uluk taka siam tur. A thiam zawkte tihtir leh rawn lo chuan Electrict fit ve mai mai loh tur.

2. Kan eirawngbawlna gas te kan hmanloh laiin, Cylinder (a bur ah) off zel tur.

3. Petrol, Diesel..etc thil kang awlsam chi dah fimkhur hle tur.

4. Ramhnuaiah emaw in leh a velah bawlhhlawh hal mai mai loh tur.

5. Ramkalna ani emaw, khawchhungah, khawihmunah pawh Meizial bung tihlumlo a paih mai mai loh tur.

6. Mahni inchhung Bathroom leh hmundang remchang-ah Bucket a Tui dawhkhahsa hi Kangmei chhuakthutah a tangkai em em ani.

7. Kangmei chhuak thutah, chiai mai lovin, rilru fim put hram hram tum tur.

8. Kangmei chhuak thutah, a thelh hna thawktu chu Veng mi te kan ni a, thelhna kawng a tha thawh theilo ten, Kangthelhtu te dipdal zawnga lo awm hnawk loh tur.

9. Fire department te phone vat tur, Kangmei chhuahna hmun, an rawn tlan dan tur, motor lian nge a te tlanna chi fiahfel thei ang bera hrilh tur.

10. Vengtinah, tumahin Kangmei chhuah thutah Kangthelh motor tlanna dalin motor dah loh tur. Motor dahna in neilo a, Kawngdunga lirthei dah thin hi dan kalh a ni.

11. Kangthelh turin thawmhnaw kanghar lam leh chhah deuh inbel a tha.

A chunga point 11 kan tarlan te hi, kangmei chhuak thut thei laka kan him na turin veng mipuiten thuawih taka zawm theuh turin kan inngen e.

Sd/-
Michael Lalruatdika
Secretary
Local Council, Nursery Veng.

Leave a Reply