NYMA CHHIATNI INKAIHHRUAINA

Tunlai hripui Covid-19 leng laka inven dan chung changah ni 7thJune, 2020-a Nursery Veng Branch YMA Executive Committee Meeting chuan chhiatni bik a tan ruahmanna a siam a. He ruahmanna hian eng natna a vang pawha thi a huam ang, ruahmanna hi hripui len hun chhung atan chauh a ni ang.

1. Mitthi vui dawna thingpui sem thin hi tih tawh loh a ni ang.

2. Tlaivar ngai mitthi-ah chuan a nawlpuia tlaivar lovin Branch Executive Committee Member- te leh Section tina OB leh mitthi awmna Section Committee te kutah a awm ang. (Tin, Naupang leh Kum upa lam te awmphal a ni lo bawk)

3. Khawhar lenpui chhung hi zan khat a ni ang a. Khawhar In lenpui hi YMA zan hun chhung hi chuan a nawlpuia inlenpui lovin Branch Executive Committee Member te, Section tin OB-te leh chhiat tawk awmna Section Committee Member-te chauh khawhar In lenpui tur hian kal nise.

4. Vengchhunga mitthi an awmin a rang lama kuanga in dah thin tur a ni.

5. Khawhar In bulah kut silna siamin lut chhuak apiangin kut sil thin tur a ni.

6. Ruang sawngbawltuten kutkawr (Glove) leh Hand Sanitizer/Mask leh Apron hman tur a ni,heng hi Branch-in a ngaihtuah ang. Mizo tlawmngaihna atanga mitthi kan sawngbawl dan thlahthlam silovin, fimkhur taka kalpui tur a ni.

7. Mitthi taksa atanga tui ril chhuak thei a awm chuan sarangin ruang chu a puma tuam tur a ni.

8. Kan hun tawn mekah Thlan hi laihlawk ve tha kan ti a. Branch hruaitute kaihhruaina hnuaiah fimkhur taka kalpui nise, thlan lai te tan hmai tuamna intum nise, kut silna (Hand sanitizer) te Branchin a ngaihtuah ang.

9. Vengchhunga mitthi an awmin a hma thei ang bera vui nghal tur a ni ang.

10. Mitthi vuinaah hian, a Vuitu Kohhran Committee, Branch Executive Committee Member, Section Committee member chin leh kal ngei tur awma inngai te chauh an tel ang.

11. Mitthi Buhfai no khat leh Rs. 10/- chhungtin a kan khawn thin hi khawn loin, Branch-in Rs. 3,000/- leh buhfai Bag khat / 50 Kgs, chhiat tawk te a hlan ang.

12. Mitthi in-ah Sound System hi hman rih loh nise kan ti.

Heng baka tuldang awm te chu Branch Committee-in ruahmanna a siam ang.

Leave a Reply