COMMITTEE AWMDAN MAWI

Published / by Nursery Veng YMA / Leave a Comment

Kum a lo thara Pawl hrang hrang leh Kohhrante’n Committee Member thar ruat leh thlangin kumin chhunga kan hmalakna tur relin kan Committee leh dawn a, Memberte’n a hnuaia point-te hi inbihchian nan hman theuh theih i tum ang u.

Committee zahawmna
Kan telna Committee kha pawn lam atangin tuma’n an rawn ti zahawm dawn lova, a chhunga member-te thiltih leh rel dan leh an bawhzui hlawhtlin dan atangin a zahawmin a zahawm lo mai dawn a ni. Hei hi member-te’n hriat thar fo a pawimawh khawp mai. Chuvangin Committee leh a rorel a zahawm theih nana point pawimawh tlem tar lang ila. (more…)

NURSERY VENG A REH!!

Published / by Nursery Veng YMA / Leave a Comment

Kumin Krismas leh Kumthar vuakvetah Hâlpuah/hâlmawi chi hâl lo tur leh Silai lem (a mu kah chhuah theih chi) tumahin lei lo tur leh zuar lo turin Mizoram sorkâr leh Central YMA atanga Branch YMA-in hriatt$rna kan hmuh angin kan vengah VC leh YMA chuan mipui leh dawrkaite Nursery Aw leh Information Mike hmangin kan ngen a.

(more…)

KHAWTLANG NUAM I SIAM ANG U

Published / by Nursery Veng YMA / Leave a Comment

– Pu K. Lalngheta (A – Section)

A tul lova pawisa sen a nih loh nan leh kan hriselna tihchhiat a nih loh nan, a khua leh tuite that tlanna turin Sawrkarin halpuah hal a khap a. Hei hi zawm theuh tum ila a tha hle a ni. Vantlang leh Sawrkarin kan that tlanna tura tihtur leh tih loh tur an sawite zawm hi khua leh tui thate tih tur a ni a. Sawrkarin kan that tlanna tura ‘thil’ a khap kan tih luih hian kan thenawm khawveng tan harsatna kan siam mai bakah keimahni ngeiin a sawh khawk chu kan tuar a ni tih kan hriat tlan pawh a pawimawh.

(more…)

INCHEINA

Published / by Nursery Veng YMA / Leave a Comment

– Matei Pa
Y-Section

Kan Mizo nun hlui han ngaihtuah a rilru mitthlaa han chhui kir chuan tunlai kan incheina chu a danglamin a changkanga, hma pawh kan sawn hle a ni. Amaherawhchu kan changkan dan hian lutuk a awm thei a, kan inbih chian a tulin a hriat. A bikin kan Mizo nulate hian an inchei dan hi inbih chiang deuh sela a duhawm khawp mai.

(more…)

MITIN I IN ENFIAH ANG U

Published / by Nursery Veng YMA / Leave a Comment

– Sumeona

YMA-in a dinchhan pawimawh tak mai ‘Lusun hnem’ hian ken tel a ngah zia chu kan hre theuh awm e. Chung zinga langsar zual mitthi lumen (tlaivar), thlan laih, thingpui lum, mitthi buhfai khawn, khawharin riah, etc. hi YMA Member zawng zawngin kan mawhphurhna, tu hnenah mah kan bel theih miah loh anih zia kan hriat reng a pawimawh hle.

(more…)

RUAL TIN KHUMTU YMA

Published / by Nursery Veng YMA / Leave a Comment

– Pu Zokunga
Secretary NYMA

Ka zin hawngin “Nursery Aw” ka bih nghal thuai a. Ni 15.7.08 zana Br. Exe. Committee-in CYMA buatsaih zaipawl intihsiakna a tel an lo rel thlu mai chuan min barakhaih hle mai! Hmeichhe thu dawnin “Beihrual thla, Naupang Sunday School inkhawmpui thla, Gilgal Corp-in Bial SAY inkhawmpui an thlen thla, kan President nupuiin in diet a tum thla, Asst. Secretary te nupain Sawhthing chawh an tum thla, Conductor-in tho vuakna tam zawk siam a tum thla, Treasurer nupui te Office in sawn tur thla, etc. etc….”. Hetiang vel han dawn kual nek takah chuan Br. Committee hian rel loh tur pui a rel niin ka’n hre hman pek a. Mahni inti fing chawpin, ka awm loh vangin thil harsa lutuk, kan hlen chhuah theih hauh loh tur leh nakin zela min ti hnual thei tur kan hruaitu ten an lo rel ni a ngai rilru deuh chungin ka tum hman lek lek a chha a ni. Mahse, YMA hruaitu te, Zaipawl hruaitu te, Zaipawl Member-te leh vengchhung nu leh pa te inpekna ka’n hmuh hnu hian ka ngaihdan a fin ber loh zia ka hrechiang ta khawp mai.

(more…)

YMA ZAIPAWL

Published / by Nursery Veng YMA / Leave a Comment

– Pu Vanlalenga
OB Incharge, Zaipawl

Inter Branch YMA Zaipawl intihsiakna a tel tura Branch in hma kan la hi thinlung takin ka lawm hle mai, a hlawhtlinna pawh hmuh tum ila. Central atanga kan thu hmuh te kan han bawhzui that hian Branch puitling zia kan nihna lan chhuahna a ni thei.

Branch Committee ina kan han rel phat atang khan kan thalai te ngaihtuah chungin chak bawk si huphurh bawk siin telve nise tiin zangkhai takin kan ti thlu ta a, kan boruak a zangkhai ta hle mai. A chhan chu ka rinloh tak tak ten an rawn rawt phur tlat mai kha niin ka hria. Hei hian Mizote zai kan ngainat zia pawh min hriat chhuah tir uai aui mai a ni. chumai bakah kan senior zawk tena kan thalai te Talent pho chhuak zawng a an rilru an pe a te, thalai te hi kan thatlai a rei dawn lova kan hun tha neih laia Zoram pum Zaipawl intihsiakna a tel ve ngei an duhna thinlung hi tha ka van ti tak em !! An mi beiseina leh duh sak na hi Zaipawl member ten ngai pawimawhin nu leh pa te pawhin in thlawp tlat ang u tiin kan insawm a ni.

(more…)