PATHIAN THU AWIH LOH A PAWI BER

Pathianin Khawvel a siam tirh a ta chengtur a thlan zingah Evi leh Adama chu mihring hmasa ber an ni a. An awmna tur bik Eden huan ah kher a dah a ni. A siamtu pawhin a duhin a lungawi a, a bak athil siam zawng zawngte chungah chuan roreltu tur an ni.

Amaherawhchu, Pathian thu bawhchhiatna avangin Eden huan chu sawi loh Khawvel chu mitkhapkar lovah a danglam ta vek a nih kha. Bawhchhiatna (thuawihlohna) avangin a duh taka a siam te chungah ‘anchhia a hlawh’ ta zawk a nih kha.

Chutiang ang zelin Pathian rorel do dal zawngin Vantawng insak tumna Babel insang sak chu tihchchhiatin a awm a. ‘|awng’ pakhat chauh hmang thin chu vawilehkhatah tawng chi hrang hrang lo darhin tawng hmangin chi inthliarna alo chhuak a, buaina a chhuak leh bawk a nih kha.

Chutichung pawh a thuawih thei lo Lei mihringte chu Pathianin tih boral vek a duh a, Sodom & Comora chanchin kan hre awm e. Lot-a te chhungkua chiah a zuah a nih kha. Lei mihringte chu inthlahpung turin malsawmna min pe a, mahse, a thuawihna kan tlakchham vang bawkin amah vekin a tichimit thin a ni. Mosia hunlai kan hre awm e, ama hnam thlan ngeite pawh kum tam tak Aigupta ramah a Sal niin a hrem a ni. Pathian hnam thlante pawh nise, a thu bawhchhiate chungah hremna a lana zawk emaw tih mai tur a ni. Mosia hmangin Juda Saltang tam takte chu chhuah zalen nimahse a thuawih loh vang bawkin Jerusalem a lut meuh chu Joshua te chhungkua te bak tute nge?

Khawvela mihring chengte chu fing in remhriatna te a chak em em laiin sualna, thuawih lohna a sosang hle a ni. Khawvel sual tih borala awm tur leh kan thih aia a thi turin Kan Lal Isua Krista chu Khawvelah a rawn chhuk a, Kraws ah khengbetin a nunna laksak a ni.

Mihring te thunun zawh loh sual hremna chu a rapthlak hle mai. Nova hunlai bawk kha a ni. Pathian tih thinur vang bawkin Tui alettira a ma thuawih awmchhun Nova te chhungkua chiah a zuah a, chupawh Tuia an pil loh nan Lawng atuk chawptir a nih kha.

Kan Lehkhabu Thianghlim(Bible) ah hian Pathian thuawihlo leh a do daltu te chunga hremna rapthlakzia kan hmu theuh ang. Hetichung hian “A thu awih erawh a harsa viau a niang nge”. Khawvel chu a kum telin hriatna, thiamna, finna a sang tial tial a, mihring engemawzah chu tih chimih mahnise kan pung tual tual tho a ni, ringlo mite inthlah punchak ang bawkin Kristian te pawh kan pung ve tho. Amaherawh chu, Lal Isua Krista ringtu te’n a thu kan awih lo thin hi a pawi em em a ni. Hnam hrang hrang, Ram hrang hrang te chuan Thuneih leh Chungnung ber nih chuhin khawvela roreltu leh khawvel awptu nih inchuhin mahni mihring puite suatna tur ralthuam chi hrang hrang siamin kan chheprelh a. “World War I leh World War II” indopui hmangin rapthlak takin kan insuat leh chiam a, Hripui leng rapthlak tak avangin mihring tam tak thihna a thleng bawk a nih kha.

Pathian duhloh zawng ralthuam chi hrang hrang nena invau behna leh chungnun tum ten engmah hlawkna/rahchhuah an nei chuang lo.

Keini Pathian ringtute pawh kan harhchhuak hlei theilo anih hi. Pathian thu awih lo ho te leh amah ringtute vekin kan phatsan thin avangin a thikthu tihchhiatna hnathawh chu arapthlak thin teh e; Thlipui, tlangkang, tuilian, Lirnghing, trek,etc. te hmangin vanduaina kan tawng ta zel a, Nu nau, tar leh upa zawkte pawh misualte rah sengin an bang ta bik lo anih hi.

Keini ram ngei te pawh Pathian ringtu Lal Isua Krista zuitu inti si hian Eirukna te, nawmsipbawlna chi hrang hrang, ruihhlo nawm chenna avangin hun lo takin kan liam mawlh mawlh a nih tak hi. Hripui te pawhin min zuan kahlen reng thei ta bik lo. Kan ram Politic inrelbawl dan famkim tawk loh zia kan hria a, mipui a nawlpuiin kan rilru in ‘hnam leh ram’ kan vei tawk lo, mahni pumpui hmasialna ringawt umin kan phi buai a, kohhran leh khawtlangah mawina vang chauhin kan inhmang emaw tih mai tur kan ni. Pathian thinur kan tawngbaw ve ang tih a hlauhawm tak zet zet a ni. Taimakna kan tlachhama, hnamdang zawkten min chimral mek a ni tih i hria ang u.

Aw le, atawp berah chuan Pathian thuawih loh avang bawkin Hripui Coronavirus(Covid-19) chu khawvelah tih darhin a awm mek a ni. Mipui tam tak kaiin, tam tak an thih phah mek bawk. Khawvel in hlauvin Inkharkhip (Lockdown) a puang anih hi, 2020 kum chu Hripui vanga thihna rapthlak tak tahna, mittui senna hun atan kan hmang a, he hripui laka invenna inkharkhip chu kan zalenna chauh a ni rih.

Pathian thinur nasa zawk kan tawrh loh nan A duh loh zawng kan tih thinte kan sim ava hun ta em. He HRIPUI HMANG HIAN MIN BENG HARH MAWLH TEH SE.

Khawvel chhiatna lo thleng thin leh thihna rapthlak taka kan him theih nan “PATHIAN THU AWIH A PAWIMAWH BER”

Leave a Reply