PLATINUM JUBILI MEI DET

Central YMA in Platinum Jubili lawm nan Ni 14.6.2010 ah Branch tinin Mei det hram nise tia ngenna a siam angin Nursery Veng Branch YMA Executive Committee chuan Mei hi det ve ngei nise tiin a rel a. Mei det mawhphur tur hian a hnuai amite hi a ruat nghal a ni.

1. Pu Lalchhuanawma (Putea) Br. Fin.Secy.
2. Pu C.Lalnunzira, Br. ECM.
3. Pu C.Lalzarmawia, Editor, Nursery Aw
4. Tv. Vanlalvena, Jt. Editor, Nursery Aw & ECM

Anni ho hian engtianga tih tur nge ni ang tiin vawi engemawzat an inhmukhawm a. A tha ber tur hriatthiam har an ti hle. Rawtna hrang hrang an han siam a, a taka tih theih a ni em tiin an han enchhin kual zel a. Tichuan a tawpah chuan Khawnvartui/Petrol hmangin Mau meichher siam a, Sikul tual atanga sang taka hal theih tura siam nise an ti ta a ni.

Meichher tur hian Mau hring lian tha a ngaih si avangin duh ang hmuh tur a vang hle. Pu S.T. Lalawmpuia A Section-in a In sak laia mi a rawn thawh ta hlauh mai a. Pu Lalchhuanawma (Putea) te Inah siamin a phita leh fawhkai turte siamin zan 2/3 vel chu dar 12 an thleng hial a ni. Bati 8 chu a thlalaka kan hmuh ang hian an rem khawm a. Thir-pipe feet 20 chung lama ding tur a nih avangin a dehkai dan tur ruahman a ngai leh ta a. President, Pu R.Lalhmangaiha hova Practical-a tih theih dan hrang hrang an tihchhin fe hnuah Mombati phita la chhata phiarin Khawnvartui leh Petrol hmanga ti huhin bati zawng zawng atanga uai thlak tirin hliau alh tur leh chumiin Bati a han hal alh turin ruahmanna an siam fel ta a ni.

Leave a Reply