POLYTHENE LAKAH I FIMKHUR ANG U

Polythene bag hi khawvel hmuntinah buaipui tham a tling ta reng mai! A zangkhai a, tui a put tlang theilova, a man a tlawm in hman a tlo avang te hian eitur a ni emaw thil fun nan kan hmang nasa ta hie mai. Polythene hi kum 1898 khan tihpalh thilin German scientist Hans von Pechmann an a siamchhuaka. Kum 1933 khan England ram scientist Eric Fawcett leh Reginald Gibson-te chuan tihpalh thilthu bawkin damdawi chihnih ethylene leh benzaldehyde te chu boruak nekna sang lutuk hmanga chawhpawlhin Polythene hi an siam chhuak leh a hemi hnu lawk kum 1939 ah Michael Perrin a chuan zauzawka hman theih turin polythene hi a rawn siam chhuak ta a ni. Kumtinin khawvel pumah polythene hi metric tone maktaduai 80 siam chhuah ziah a ni. Tin, polythene bag mai bakah plastic lam chi thil siam chhuah kan hmang nasa ta hie mai. Kum tinin India hian plastic lam kaihhnawih tone maktaduai 2 vel siam chhuakin mipakhatin kurntin plastic kg 2 vel hmang ang a chhut a ni. Amaherawhchu kan hriat reng tur chu heng Polythene leh plastic te hi leilungah an tawih ral ve theihloh avangin kan environment a tichhiain minting, ransa/ramsa, nungcha dangte leh thlai te tan harsatna namenlo a thlen mek a ni.

A hlauhawmna te: Plastic bag te hian kan nitin nunah awlsamna leh tangkaina tamtak a thlen rualin environment leh mihring hriselna atan hlauhawmna a thlen nasa hle mai. Khawvel ram hrang hrangte buaipui a tling ta reng mai a ni.

1. Plastic bag te hi leiah a tawih ral thei lova fimkhurlo taka paih hian tuiluankawr te hnawhin tuitlingrimchhia a siama natna hrik nasa takin a ti pungthei a ni.

2. Polythene a tui tling te hian thosi nasatakin a tipuang bawk a ni

3. Polythene bag lui a awm te hian chemicalhlauhawm tak tak lui tuiah ti chhuakin hei hianluia nungchate tan tur hlauhawm tak a siam a ni.

4. A bik takin tlangram a Polythene/plastic awmzenei lova paih mai mai hian lei min nasa tak a siamthei a ni.

5. Polythene bag lei kar a awm hian lei a boruak chetkual velna dal in thlai tan harsatna fiasa tak a siama,leithatna pawh nasa takin a ti hniam thei a ni.

6. A bik takin rawngnei Popythene te hi Cadmium leh suan (Lead) hmanga sawngbawl an nihavangin mihring hriselna atan a tha lovin hriatnathazam tha lo leh cancer natna hial pawn a thlen thei a ni.

7. Tin, Poythene bag haral hi mihring hriselnan a hlauhawm hlei hlei, boruak tha lo siam chhuakin hei hian mihringah natna tamtak a thlen thei a ni. Heng thil hrang hrang avangte Mizo mipuite nasataka kan in zirtir a him ta hie mai. Sawrkar lam pawhin khuahkhirhna dan mumal siam a tul hle a ni.India rama state thenkhat Himachal Pradesh, Goa, Maharashtra, Sikkim, Meghalaya leh Tamil Nadu ahte chuan Polythene te hi an lo khuahkhirh daih tawh a ni. Tin, West Bengal ah pawh NGO te leh sawrkar tangkawpin ni 15 September, 2001 khan Polythene bag hi lo khuahkhirh tawhin, an state chhunga tlangram district Darjeeling ah pawh he khuahkhirhna hi na taka kalpui a ni.

Engtin nge hma kan lak ang:
1. Polythene bag a tlem thei angbera hman rum theuhnise.

2. Sawrkarin a ranglamin kan state chhungahPolythene hman khuahkhirh turn se.

3. Polythene hman hian kan environment leh mihringhriselna a khawihchhiat theih zia uar zawk a inzirtir thin nise.

4. Thil lei dawnin a kenna tur bag emaw ken thinnise.

5. Polythene bag hman ngai kher lova nun inzirtir.

6. Plolythene bag hman tawh hnu paih mai lova hmannawn leh thin dan kawng zawn ni se.

7. Poythene bag hmang lova lekha emaw hnah a funthin nise.

8. Polythene bag hman duh tawh lohte luikawr ahemaw paih mai mai lova, awmze nei zawk a paih thin nise.

Issued by : Central Young Mizo Association

Leave a Reply