PROMOTED TO GLORY MALSAWMTLUANGA CSM

– Roneihthanga
Finance Secretary, CYMA

“My home is in Heaven, I’m just travelling through this world”

The Salvation Army Kohhran a awm te Mitthi/Chhiat tawk an awm apiangin Promoted to Glory (P.G) tih hi hman thin a ni. Chu mi awmzia chu Ropuinaah a kaisang ta tihna a ni. Pathian thu sawitu ropui leh hmingthang Billy Graham a pawhin Vanram khi ka In a ni a, he khawvel hi chu ka khualzinna ram mai ani tiin alo sawi chhuak hial anih kha “Promoted to Glory” tih tawngkam hi December ni 14, 1882 ah daih tawh khan The Salvation Army chanchin Bu chhuak thin “War Cry” ah mitthi sunna “OBITUARY” tihah alo lang a, chuta tang chuan hman chhoh ani ta zel a ni. Gen. Arnold Brown The Salvation Army General chhuanawm leh Thlarau mi tak kha chanchinbu miin an zawt a, “Ram tin hian an Roreltu milian te an thih in an flag te a ngul chanve in an zar thin a, nangni hian in milian te an thihin in flag hi angul chanve in zar ve loh” an ti a. General chuan “Kan flag ngul chanve a zar ngai khawp a sun turin kan hotu te thi an awm ka la hre lo a ti a”.

Sipai huaisen mi hrat khaw kheng CSM Pu Malsawmtluanga chu The Salvation Army Pawl pumpui leh Gilgal Corps sipai member te Arsi lian chuan min herliam san ta. A theihna zawng zawng baka Pathian leh A ram tan ti a bawrhsawm chung chung pawh a Pathian leh a Kohhran tan ti a thawk tlat tu a ni. Dik leh ni a a hriat chu huaisen tak a sawi ngam A dik ni a a hriat tawh chu tlang tak a sawi mai thin mi a ni. Mi huikhawm a thiam em em a. Sawiselna tam tak pawh a ak leng thei vek a, a tha lam leh a chhe lam a thurawn lak a thiam in engkim mai hi a ak leng vek ni mai in a lang thin. A hniak hnung zui a nuam em em a, amah a huaisen bawk a, thurawn a pawm thiam em em bawk a ni.

Gilgal Corps ah ngat phei chuan mihlun leh hranghlui sipai pawl hnutetui a chawm len a niin a naupan tet ata a thutiam ah a chiangin a pawm nghet em em a, a chhungte pawn a rinna lamah an thu dawn inang lo mahse nghet tak a a rin chu pawmbur ta mai a ni. Sipai pawl Upa min leh Chawimawina Ropui Tangkapui “LONG SERVICE ORDER” dawng thei ngat ani. Sipai pawl leh Gilgal Corps sipai te tan chuan channa nasa tak a ni. A sulhnu theihnghilh ani ngai tawh lovang Gilgal Corps tih lam rik apiangin CSM Malsawmtluanga kan nghilh phal ngai tawh lovang.

Kohhran lam ringawt lo pawh khawtlang rawngbawlna tui leh ngaisang mi a ni a, Nursery veng Indan dawn pawh a sulsutu leh V.C. khawtlang hruaitu leh member ah te tangin Zu leh Ruihhlo zuar te thenfai kawngah pawh thahnemngai leh thawh hlawk tak a ni. Sipai pawl member mai tan nilo khawtlang tan pawh a mi chhuanawm leh uihawm tak kan chan ta. Engtik lai mahin Nursery Veng khawtlang leh VC/Local Council leh Gilgal Corps sipai te sawi chhuah ni apianga sawi hmaih ngai tawh lo tur leh sakhmel ruangam lo lang mitthla a kan hmuh tel zel tawh tur te, I lei Ralthuam dah a chatuan a A rawng i lo bawl tawh thin a hnenah chuan muang ten lo chawl hahdam mawlh ang che. PROMOTED TO GLORY Ropuina rama kaisang chung zelin lei mite tan mangtha aw!! Mangtha ngawih ngawih le !!!

Leave a Reply