Pu C. Zoramliana, Vice President CYMA kan then ta.

Pu C.Zoramliana (50) Vice President CYMA chu Ni 27.03.2010 (Sat) Zing dar 10:00 khan Lungphu chawlin a boral., Pu Rampuia hian a thiannu Pi Hlimpuii nen Fanu 4 leh Fapa 1 a kalsan a ni.

Pu C.Zoramliana hi a awmna Branch YMA ah Fin.Secretary, Vice President leh President ah te tum engemaw zat a awm hnuin Central YMA ah kum 1991 – 1996 chhung CEC Member a ni a, kum 1997 – 1999 khan Central YMA ah Fin.Secretary a ni a, 1999 – 2003 chhung khan Asst.Secretary a ni leh a, kum 2003 – 07 chhung Gen.Secretary hna chelhin 2009 – 2010 atan Vice President hna a chelh mek a ni.

Pu Rampuia hi pa hrisel tha leh invawngfai tak a ni a, A boral hma ni pawh hian Central YMA kumpuan hnatlangah a thawhchhuak a, zan lamah pawh Kulikawn Branch YMA Kumpuan Awareness Campaign Programme ah thu a sawi nghe nghe a ni.

Ni 27.03.2010 tukthuan eikham hlima a pumna thut chu Civil Hospital, Aizawl ah tlanpui nghal a ni a, Doctor leh Nurse ten a nunna chhan tuma theihtawp an chhuah chungin an chhan zo ta lova, zinglam 10:00 khan mual min liamsan ta a ni.

Pu Rampuia pual hian Cemtral YMA chuan Ni 27.03.2010 chhun dar 12:30 khan sunna hun Central YMA Office ah a hmang a, CEC Member te an kal tha hle.Pu Rampuia hi Ni 28.03.2010 (Sun) dar 12:00 noon ah vui a ni a, vui hun hman lai hian Sub-Headquaters leh Group leh Branch ten sunna hun mahni remchan dan angin an hmang a ni.Pu Rampuia vuina a CEC, Sub-Headquaters, Group leh Branch atanga tel te chuan Pawndum sinin an thlahliam. Pu Rampuia vuina hunah hian kan Br. O.B te pawh Adviser Pu K.Zoliana hovin an tel ve a, Br. YMA hmingin pangpar dah ve a ni. Hei bakah hian CYMA ah Pu Rampuia chu Nursery Veng Br. YMA in kan ui thu ziakin thlen a ni bawk.

Leave a Reply