‘SPORT – WAR’

– R.L. Mangkhuma
M – Section

“Fiamthu hmanga indona,’ kan ti dawn nge – ‘Indo fiamna…..?’ Infiamna (Game) hmanga indona pawh lo ni se, a sual tampui lovang chu maw..!

Infiamna (Game) chi hrang hrang bul tantute, an rilru leh ngaihtuahnate hre vek lo mah ila, an fakawm e… ti rawh u.

‘Engv^nginnge an fakawm?, Mawltein in thlir teh ang aw….. Rilru leh taksa insawizawi nan a tha a. Chu chu hriselna leh damreina a ni a. Zirmi tan rilru leh ngaihtuahnate a ti chak lehzual a – Thalai tihtur hrelo – mihausa fa leh rethei fate a chawkrualin – sual chi hrang hrang leh zuk – hmuam leh ruihtheih chi hrang hrangte avanga mi anlohna leh, thihna leh boralna kawng zawh a mual liam tur tam tak a chhandam a – Chhanhimna lawng tha tak, a duh apiang tana hman mai theih ni si – A hmang thiam laklawh – mibik (Talented) tan phei chuan – In tih hming larna leh eizawnna tha tak – mite awhfak dinhmun chuan kai theihna remchang tak a va ni em…!

Chungte avang pawh ni fahmiang – khawvel finna leh hnam changkang hmasa apiangin an uar a – Team leh team, Veng leh veng, Ram leh ram – Hnam rilru pu chungtea – indona hlimawm taka kan hman tak zelna hi – Hre ngailote inhmelhriatna tha tak leh leichunga cheng mihringte khawvel pumhuapa nun hona (Social life) leh Society tha min siam saktu a ni a. Tu khaw hriat tham loh keini Mizoram te takte pawh min min lo hre tan ve ta. A va ropui em…! A tangkaina laiah chuan, Pathian thu nen pawh a inhmeh ve thlapna lai a awm asin. Pathian dik hre lo ramthim beih nante pawh a hman tangkai theih lai a awm ang. Pathian tan an lo hlan ve mek bawk.

‘Tuten emaw eizawnnan an hman mai mai,’ titein emaw i lo ngainep lutuk palh ang e aw-I tih fuh vak lo mai thei a nia…

Khawvel thil che vel reng reng hi hrawn thiam tur chuan – kil khat atang chauhva thlir lovin – Pathian thu hmanga – kil tin atanga thlir a – enrem dan thiam hi a pawimawh a – chumi ngaihtuahna avanga he article mawlte pawh hi – Tumah – tihbik nei lova ziak a ni e. Kan Pathian thu chuan, MI INKULH HRANG MI CHUAN MAHNI DUHZAWNG A ZAWNG THIN A, FINNA DIK ZAWNG ZAWNG A TAI THIN (Thufing 18:1) a lo ti ve mek bawk.

A reputable writing firm also needs to be part affordable-papers.net in the Academy of Composers, Authors and Publishers of America (APA).

Leave a Reply