TAIMAK I CHHUAH LEHZUAL ANG U

-Zonunsanga

Kan hriat theuh leh kan tawn mek angin khawvelin Hripui(Covid-19) a vei mek a, ram hrang hrang, chhungkaw hrang hrangin buaina kan tawk mek zel a, he hri hian natna leh thihna mai a keng tel lova, a damte tan pawh buaina hrang hrang a thlen mek zel a ni. Nitin a kan mamawh leh kan duhzawng lakna kawng a ti ping a, kan sum thawhchhuah tur tam tak min hup beh sak a, kan mamawh tam tak lei tur min tih to sak a, tha sen ngailo turah hlawh awm miah lovin tha min sen tir a, Pathian Biakin min khar sakin thenawm khawveng hlim taka inlen pawh thin te min daidang a, hetiang taka thil tithei hi he khawvelah hian an awm love.

Natna leh thihna in a tihbuai loh te pawh heti kan nih si chuan engtin nge kan awm zel anga, engtin nge hmalam kan thlir ang tih hi ngun taka kan ngaihtuah a hun takzet a ni. kan mamawh tih tlem te, ei leh bar zawnna kawnga taimak te hi kan nun khawchhuahna tur pakhat chu ani awm e. He hri avanga tanpuina a thlawna kan dawn hian tawp hun a nei anga, hri hi a reh mai si lovang a, tanpuina dawn ringa intunnun tum te tan tawp hun a awm ngei dawn, kan neihsa hi kan ei zawh a kan hman zawh hunah engtin nge kan awm zel anga, engnge kan ei tak ang? Chuvangin nitin kan ei leh bar zawnna kawngah hian i taima thar teh ang u. A bikin thalai In-awm mai mai hi awm lo ila, eng emaw tal chu i thawkchhuak In-awm mai mai hi awm lo ila, eng emaw tal chu i thawkchhuak teh ang u khai !.

Tunah hian kan hmalakin a zirlo a nih pawhin tih tur leh thawhtur zawng ila, midang tanpui thei dinhmunah kan ding kher lo anih pawhin mahni ke a ding turin tan ila thar leh teh ang u. Lockdown kalpui chhunzawm leh ni mahse, kan khawtlangin hnathawh kan thulh chuang lova, chuvangin mitin ten hmathar la ila, kawngthar i zawng zel ang u.

Kan duhzawng anga nun tum lovin, kan mamawh thawkchhuak thei turin rilru thar i pu theuh ang u.

Tho la, i Ke in ding rawh.

Leave a Reply