TAITEA HUANG

Mitthi an awm changa Pangpar dawng tam nih hi ROPUINA chi khat angah kan ngai ta lek lek mai! Chhung khat/ thianthate an thihin Pangpar an dawng tlem bik ang tih hlauhna rilru neih mai pawh a awl tan ta a ang hle.

Ruang chunga Pangpar kan dah thin hi Rs. 200/- chung lam man ni deuh vekin a lang a, hei hi Kuang thlalakpui dawna tarmawi chiam atan bak chuan hman tangkai zuina tur a tam vakin a lang lo. Branch thenkhatah phei chuan Kuang thlalakpui dawna Pangpar dah chhuah phal zat te pawh an bithliah hial a ni awm e. Sum tam tak senga heng kan Pangpar leite hi mitthi chhungte tan hralhchhawn dawna remchang chiah si lo, kum tam dahthat chi ni chiah bawk si lo, midang hnena pek chhawn rem mang bawk si lo a nih avangin Pangpar kan inpek thin hi tun aia uar loh deuh zawk a fuhin a rinawm.

Phal taka kan Pangpar pek thin aiah hian Pawisa fai emaw hriatrengna thil dang – Dekchi, Bel, etc. hi uar thar ta zawk ila phat rual lovin Mitthi chhungten kan chhawr tangkaiin khuarei atan a chenfakawm zawk ngeiin a rinawm tlat.

Leave a Reply