TAITEA HUANG

Veng pakhatah chuan mi pawimawh an tam vang nge, chhiat-that an tawh nikhua a reilo te tal va lan ve zawk pawh hman lo hi an tam khawp mai. Chutiang a mi hman lo tak tak chhungkua te pawh chu khawl hmang a siam an lo nih bik si loh avangin chung lamin hun a tihah chuan an chhiat an lo tawk ve thei tho mai si a. Vanduaithlak tak a ni.

Hman a an pawimawh em avang leh an buai em avanga mitthi in a an kal ngai loh te, tlangval tawrtha pui ni chung reng si a thlan an laih ngai loh te, hnatlan nikhua a an tel ve hman ngai miah loh te kha an Kohhran/VC/YMA-in ziakin an chhinchhiah hauh loh avangin chhiat an tawh hunah tukhaw-kha in an hrereng in a rinawm loh. Mahse, thil hi a lo mak thei hle mai.

YMA hruaitu leh vengchhung tlangval tlawmngai ten theih tawp tak meuh chhuah a mawihnai taka chhungkaw nu ber ruang lumen pui a, a tukah pawh mawihnai taka thlah liam tum a hma an lak nasat hle chung pawhin chu Veng a nula leh tlangval, nu leh pa te chu an buai thar ve ta thut nge? Tlaivar hman lo, thlanlai hman lo, mitthi vuina a tel hman lo, an thihna kaihhnawih a piang mai a tel hman lo an kat ta nuk mai. Hruaitu te tan a luhai thak awm teh e…

Ni…chutiang chu mitin in kan tawn theih a ni tih hriain, mahni hman lohna changchawi a midang ngaihpawimawhna reng reng nei lo hi Nursery Vengah hian kan lo awm ve palh ang tih hlauhawm tak a ni. Eng hun emaw bikah chuan ka lo hman ngang lo a ni thei. Mahse, hun remchang dang in siamin midang te chhiat-that tawh nikhuaah a tul anga tawiawm turin hman hun neih ve ngei kan tum tur a ni. Tum chuan kawng a awm. Tlangval, zana mitthi lumenna a kal hman lo, mahni In lama thutthleng sei a mu chung a Manchester United inkhel, live lo leh nghal en pah a nute hnena thingpui lo lam ve sek hman te pawh hi awm theih a ni. Mahni theuh i i’n enfiah ang u khai…

Leave a Reply