TAITEA HUANG

Taitea hi Pawl hruaitu emaw Committee Member emaw ka la nih ve meuh loh avangin Committee-a awmdan/tawngkam mawi sawi tur ka hre tam lo hle. Mahse, tlem te tawnhriat ka lo neih ve atang leh tlangkam ti ti ka hriat atangin Nursery Veng a Pawl hrang hrang a Committee Member nipha chin, vantlangin mipui chung lama kan en chin te zingah pawh hian in zir tur nei fe fe chu kan la awm hle a ni tih chu ka hai bik hauh lo.

Rorelna hmunah hian mi chi hrang hrang 4 (pali) kan awm tlangpui niin a ngaih theih.

1-na ah chuan rilru seng reng reng lo leh engti zawng pawha rel thluk a pawi ti lo, enge a nghawng zui dawn pawh ngaihtuahna nei zui miah lo.

2-na ah chuan hruaitu (O/B) ten thurel tur atana an rawn chhawpchhuah anih vang maia a chhe zawng emaw a tha zawng emaw a a nghawng theih tur ngaihtuah miah lova hruaitutee thurel tur chhawpchhuah anih avang maia tawngpawng pawmpui thei tawp mi, mi rilru tluang purh, Pawl tana chhenfak awm em em silo.

3-na ah chuan hruaitu (O/B) te an mimal/chhungkaw dinhmun te, an thiamna leh an chhungkaw khawsak dan te, an eizawnna leh an sum lakluh emaw te hre ran chunga an thahnem ngaihvena emaw hmuh pui duh miah lova thurel tur an rawn chhawp chhuah ang ang hnial/hnawl na tur ringawt ngaihtuah pawl.

4-na ah chuan thurel tur rawn chhawp chhuaktu te mimal/chhungkaw dinhmun, an eizawnna/thiamna/sum lakluh zat emaw ngaihtuah miah lo, Veng/ khawtlang tana thil tha zawk a ni em tih ngaihtuahna nei chunga bengsik tak meuh a rorelna hmachhawn mi, veng/khawtlang tana tha tur ni a ngaihah chuan mahni phak tawk ang ang a tang tlat mi.

Khing a chung a mi chi hrang hrang 4 (pali) mizia te thlir chung khian eng Group-ah ber nge i awm tih hi Taitea’n a
zawhna che a ni e.

Leave a Reply