TAITEA HUANG

NURSERY VENGAH HMASAWNNA A KAI
RUALLO(Enge a Damdawi?)

– Taitea Pu

Kan veng hi ka ngaihtuah thina, hmasawnna hi a kai rual lovin min hrut ruallo hle kan ti dawn nge a sawngnawi lai leh a thanglo lai hi a awm kan ti zawk dawn. Ka hmuh leh ka hriat phak mai kan tleirawla kan intih tlangval hun lai chho, 1984 atanga 1997 lai vel kha chuan tual (kawngpui dung) ah a huhovin kan leng dul dul a. Vengdang a huhova leng ve bawk nen kan intawh a, a hnuhnung lam an in chhan sual palh chuan a huhova insual a ni tawh thin a, a tlawm lam chu an tlan darh tawh mai thin a ni. Children park leh AR Cinema kawt te chu cho leh cho insualna a lo ni fo thin. Mahse, kan lo changkang chho ve ta zelin hmun bawlhlawh leh thim lai te chu changkanna chuan a chhun eng ta zel a. Mi hausa fa sual thin ni a kan hriat te pawh kha a fing leh fel felah an tang chho ta zawmah a, rual el chu an hna pui ber a lo ni ta.

Kum 1990 hnulam chho ah Drugs hman khawlohna a lo chhuak leh a, mihausa fa tlem leh mirethei fa tam zawk te nunna a suat chho leh a mi thenkhat kumkhaw chawrloh nana hmang an lo chhuak bawk a. Chu pawh chu kum 2000 a lo inher chhuah meuh chuan a nawlpui chuan an changkan san leh tawh a, tuallai ah rui a Ui ang maia insual duh pawh an awm tawh lo tih theih a ni. MAHSE, kan veng chhungah chu hmasawnna chuan ala thlen phak loh tleirawl/Tlangval an pian hma daih nundan anga nung an la awm tlat mai, an kum chu Sorkar ngaihah chuan kumtling an ni ngei mai , mahse, JAC khuanga la tang duh zahna chang pawh hrelo an la awm tlat mai.

ENGTINNGEMAW KAN TIH TAK ANG LE tumawh nge an nu leh pa mawh nge chutiang chu chi tlemte a la in thlah pung chho ve zel zawk le. A pawikhawp mai, mahse, a damdawi hre tlatin ka in hria JAC/YMA Fatu na hnuaiah tihian hma la ta ila. Ruihhlo kaihhnawih kan hriat te, mi kutza deuh te, bengchheng deuh te, Bai daibawharh a saptawng takin mischief te, a tul ang zela talh fiak kan hmanna thin te hi, Ui ang deuh an ni a. An thil tihsual lai chauh a hrem hi an thatpui lo chuvangin damdawi han chawh dawn ta ila.

Committee te deuh leh thunei deuh siam nise, chu chuan Course bituk sela an khirh dan a zirin thla 1 atanga thla 6 thleng pawhin chu chu minimum leh maximum course ni mai se, zantin darkar khat/ chanve class pek ni thei se, subject ah chuan Pathian thu leh Zonunmawi zirtirna pek thin nise, class petu tur atan chuan YMA hruaitu leh Kohhran hrang a Rawngbawltute hman niin, in detail mai nise. Thlakhat ah vawikhat class pe tur pawhin rawngbawltu lam chu kan indaih ngei ang, tupawh hlawh phut lovin khawtlang tan kan hun kan pe phal theuh ngei ang. Chutiang taka kan tih chuan kumkhat chhungin Nursery veng hian midang te hmasawnna kan umpha mai nilovin veng nuam takah kan inchhuah ngei ang le……..

Leave a Reply