TAITEA HUANG

Khawtlang hruaitute leh roreltu ber te kan nih loh pawhin pawl dan chu inzahsaka kan zawm sak theih ang chin chu inzawmsak hi a mawi khawp mai. YMA leh NGO’s pawldangte pawh a ni ang. Veng tana thu tha tak tak rel te,.mahni pawl dinhmun chauh nilo vengchhung huapzo thil te pawh rel chang a awm fo thin, hetiangah hian a Committee Member chin kan lo nilo emaw a Member kan lo nilo thei, mahse thil tha vengchhung huapzo thil tha tihtur leh zawmtur hi chu veng khua leh tui tha tak chuan kan zawm ve vek a tul chang a awm thin..

Pawl mal han thlir bing ila, eg,. Br.YMA hian a hnuaiah Section leh Sub-Committee peng hrang hrang kan neih ah hian; heng Section leh a Sub-Committee siamtu chu a Branch Executive Committee a ni a, an thuneihna chin leh an tihtur te pawh bituk thlap anih ang zel in Committee pengte tih tur (activity) pawh Branch Committee in a lo titur a a tih teh a ni tlangpui thin. Tin, heng Committee peng te hian an mahni in sumtuak hnatlang nei theiin Section bikah chuan property hrang diat diat a nei te kan nih avangin heng tuakna tur leh chhiatni thatni a Section inrelbawlna thilah te Section Committee chuan a relin, Section hnatlang leh mahni Section huamchhung alo changkan theihna tur tamtak te an kutah a awm deuh chawt a ni.

Mahse, khawtlang huapzo thil lian tham kan rel a kan pass dawn anih chuan Branch Executive Committee rawn phawt hi a tha khawp mai. Khawtlang hruaitu lu ber Local Council te thuneihna rorelna hnuaia awm kan ni tih hria ila, Section huam chhunga khawtlang thil lian tham tak tak kan lo rel dawn anih chuan Br.Committee-a thlen phawt a, Br. YMA kut alo ni lova, khawtlang neitu Local Council te rawn hmasak phawt ngai chinte pawh ani thei ang, chungah chuan Br.YMA hruaitute leh Khawtlang hruaitute Local Council te nen a lungrual taka hmalak thin hi a zahawma pawl a ti chak in veng hmasawnna tha tak kan rel zawk dawn a ni.

Br.YMA hnuaia Sub-Committee pengte pawh Branch hnuai anih angin activity chungchangah pawh mahni mimal thil a kal pur pur mai hi thil tih loh tawp tur a ni. Khawtlang puma chetna tur leh Ram pum hmel lanna tur thil ah activity alo awm thei, hetiang ah pawh hian Branch Committee rawn hmasak phawt hi a him ber fo. Sum leh pai chungchangah pawh kan duh ang ang hmang pur pur mai tur kan ni lo a, Committee in a rem atih ang zel a chet hi a tha khawp mai. Hetiang kan zawm lova, tuman min uksak loh hi…. tih avanga account vawn fel loh leh sum lut lam leh chhuak lam pawh ngaihtuah lova, sapa tal avangin Branch pawh engngemaw lai khan hetiang case avang hian kan lo ti lu hai deuh tawh a nih kha…..

Chuvangin, Branch Ex.Cmmt hriatpui a, hmachhawp hi thil tih makmawh a ni. Sub-Comtt te pawhin kan thil rel sum leh pai nghawng thil ah chuan Branch ..rawn hmasak hi kan tihtur a ni. Chutiang pawh ngaihsak lova mahni thu thu kalpui ching mi hruaitute chu a tawpah mahni hnawk thenfai tur an chhekkhawm a, vanduai takin an mualpho ta thin a ni.

Engpawhnise, Sum leh paia rinawm a pawimawh ber phawt, mahse, sawi ang khan rinawm tak siin a mualpho theih tlat si…. mahni thu thu in kal lo ila, sum leh pai lut chhuak chhinchhiah that a, account vawn that te, mahni ngaihdan chauh a kal lo a , in rawn der hi hruaitu kan nihna zawn theuh ah a pawimawh tak zet a ni.

Leave a Reply