TANRUALNA (Nursery Veng hi kan tangrual em?)

Kei mi tawmkailo, khawtlang leh kohhran tan pawh tangkaina neilo leh chhiatni thatni a thenawm khawveng ah pawh lang ngailo hian, he article pawimawh tak ‘TANRUALNA’ hi ziakve ngam turah ka in ngai lova, taksa lam lo awngrawpin chak lo tulh tulh mah sela, rilru lam ngaihtuahna hi a awngrawp ve tak tak thei si loh avangin CHAWNGKHUM DAN TLANG HUAT LOH ti chung zelin ka rawn thal bekang puah ve leh phawng mai ani. Min lo ngaithiam dawn nia.

Tangrualna hi ram leh hnam, khawtlang leh chhungkua leh sakhaw tan pawh, kawng tinreng a sahimna, hmasawnna leh chakna hnar niin. A bak a thumal tawngkam hlu leh ropui hi a awm chuang love. Chuti taka thil pawimawh a nih si chuan, keini Nursery veng hi kan tangrual ve em le? Tangrual tawklo lo ni ta ila, engtin nge hma kan lak ang?

Ka chhanna chu tangrual e tih a ni. Engemaw chenah khawtlang rorelna leh NGO zawng zawng leh mahni kohhran theuhah kan tangrual thawkhat a ni. Kum 1997 ah Bungkawn VC atangin kan indang a, kha kum hmalam kan thlirlet chuan kum 13 chhung lekin kan veng hming, hmuihmai leh dinhmunte adang hle a ni. Kan sawi vek seng lovang, veng te takte hian kan tanrualna a that avangin mite hmelhriat kan lo hlawh ve ta, ava lawmawm em!

Kumin May thla chawhnu lam khan Durtlang damdawi in ah ka han in check up ve a, Medicine Specialist Doctor lar tak pakhat chuan kan veng hming min zawt a, ka han sawi chuan nui deuh sang chungin ‘nangni hi veng hmingtha, mithiam leh pawimawh tak tak awmkhawmna in ni a, mahse in veng hming hi ‘Nursery’, a ti a. Kei chuan, “keini pawn kan ti ve deuh tho a sin ‘Isua angin a mawng atangin kan dawm chhhuak dawn a lawm’, te kan ti fiam ve thin,” thui tak a sawiin ka hria a, ka lawm ru ve hle a. ‘Nursery veng nih hi a zahthlak loh hi,’ tiin ka ngaihtuah zui neuh neuh nghe nghe a ni.

Amaherawh chu-inti leh zel teh ang. Kan hriat angin Sport lama kan veng hming lo pholang ve tute(Mimal ang phei chuan kan sawi vek seng lovang)hi , State level a ni emaw National level a ni emaw eng level pawh nise eg. LPS Profight etc.,a ni emaw kan vengmi or kan veng hminga chhuak an nih phawt chuan eng ang chhungkua atanga rawn zi chhuak pawh nise – MLA, V/C, NGO leh mimal ang pawhin, Prominent Citizen te leh Sorkar hnathawk mi pawimawh tak takte hian, ‘Mi veng leh bialte’n engtinnge an tih tiin khua hawi zau deuh ila, ava tha leh zual dawn em..! An special na lai chauh zel hi thlirin in support/back up hi ching ve ila engemaw chenah veng hming a mualpho loh nan thil tih chi tak a ni lo maw ..? ka ti deuh a ni, UNION IS STRENGTH/ God helps those who help themselves(Tanrual hi chakna a ni/ mahni in tanpui chu Pathian a tanpui thin) tih a ni si a.

NANGMA KA A INFAK LOVIN MI DANGIN FAK ZAWK CHE SELA; NANGMA HMUI NI LO, HMELHRIAT LOH MI HMUIIN. Thufinge 27:2. Khawi i ram pawh mahni indo apiang an boral thin; khawi khua pawh, chhungkhat pawh, mahni indo apiang an ding khawchhuak lovang. Mat. 11:25.

Leave a Reply