THISEN PEK RUNPUI NEIH ANI

Nimin (Inrinni) nileng khan YMA Platinum Jubillee puala Thisen pek Runpui Nursery Veng
Model English Medium School-ah neih a niin Durtlang Presbyterian Hospital-a thawktute’n min rawn laksak a ni. Mi tlawmngai ‘Thisen pe a Nun chhanhim duh’ rawn inpe te hi YMA member leh Veng chhung Nu leh Pa, Mipa 74 leh Hmeichhia 27, kan vaiin mi 101 zet kan ni. Heng bakah hian Thisen pe phal leh pek ngei tuma rawn kal mahse hriselna lam avanga pe rem chang ta lo mi 25 vel zet kan awmin rawn tawiawmtu engemawzat nilengin kan awm reng bawk. Hetiang zat mite tana inpe phal kan vengin kan han nei hi ava lawmawmin an va chhuanawm tak em…!

Thisen pete hi Y=37, M=24, A=40 Total= 101 kan ni.

Midang nunna chhanhimna atana thisen pek nachang hria member rawn thawkchhuak zawng zawngte chungah leh Thisen min rawn laksaktu Durtlang Presbyterian Hospitala thawktute chungah leh an hmunhma phal taka min hmantirtu Model English Medium School thuneitute chungah pawh Branch YMA chuan Lawmthu a sawi tak meuh meuh bawk a ni.

Branch YMA hminga thisen pe hnem ber Ramhlun North Branch-in Unit 171 an pe a, an member zat atanga chhutin 5.7% vel an ni a. Nursery Veng Branch hminga thisen pe hi mi 101 kan nih chuan Member zat atanga chhutin 9.18% velin kan pe tih na a ni a. Mizoram a YMA Branch mal a thisen pe tawhah percentage a lak chuan a ti tha ber pawl kan niin a beisei awm a, Percentage a lak loh pawhin Unit 101 zet kan han pe thei hi chu a ti tha pawl chu kan ni tho tho in a rinawm a ni.

Leave a Reply