THU AWIH, DAMNA. THU AWIHLO , TAWRHNA/THIHNA

-C. Darthankima, Chairman (Local Council)

Khi thupui hmang khian Pulpit Tlangah pawh thu sawi tu ten Thupuiah hmangin thu te an lo sawi tawh thin a. Bul tan nan kan hmang ve chawi mai e.

Eden Huan a mihring hmasa te thu awih lohna kan rochung zel a. Bible kan chhiar chuan Pathian thuawih ten malsawmna an dawnga, A thu pek awihlo leh zawmlo ten an tuar thin tih kan hmu a ni.

Awle, ka vet kual vaklo mai teh ang. Kum danga kan la hmel hriat ngailoh ‘Corona Virus,’ kan hmel hriat tlang ta a. A do hna kan thiam ang leh phak ang tawkin, Local Level Task Force te pawhin kan lo kal pui ve nawk nawk a. Kan lawm leh duhthusam a ni vek lovang tih chu kan in hailo. Bible chuan, ‘Rorel tu te thu thu a awm turin min duh a’. Mahse, kan zawm hlei thei lova. Bazar na hmun tur te kan han siam a. Chu pawh kan zawm tha theilova, kan in au khum kan in au khum a. Zan lam Curfew te pawh kan zawm tha thei lova. Kan in hau kan inhau reng mai.

Phai lam atangin kan chhungte (tu leh fate) an lo haw a. Sawrkarin engkim atul leh mamawh angin an lo buaipui a. Chu chu lo rin ve mai awm, a thenin Bairabi, Vairengte, Lengpui ah te kan lo hmuak thin a. A tul lo khawp mai.

Sawrkarin an mahni Qaurantine na ah a dah ang a. Qau-rantine a an chhuah hun ah chiah hian lo buai pui mai ila, a tawk viau a ni. Kan in buaipui lutuk naah hian thil pawi zawk kan tawng thei.

Veng chhungah Local Task Force Committee ten uluk takin an ngaihtuah a. Home Qaurantine hi phal loh nise, Sawrkar in a ruahman naah awm ve phawt mai teh se Committee in a ti a. Mipui hriatah Tlangau a ni a. Hengte hi chu i zawm ve mai teh ang u. Local Task Force duty te chauh hi rin bur tur kan nilo. Kan zavai tanrual a hun ta e, duty te kut ti chaklo tu nilovin, duty te tanpui tu leh ti chaktu nih in tum theuh teh ang u.

Phai lam atanga lo haw tur te Secretary Pu Malsawmdawngliana(Dawngtea) hnen ah inreport tur tih lah kan tlangau va, ti tha duh kan awmlaiin ti tha duhlo kan lo awm zel bawk. Hawhteh u, i ngaihtuah chiang teh ang u. Kan do hian milian, mite a thliar lo. Mi Hausa leh Rethei a thliar lo. Do hneh turin thu pek te, thu awihte kan mamawh hle a ni. Thu kan awih chuan he rama thiltha te hi kan ei tur in Lalpan min buatsaihsak a ni tih i hria ang u.

Thuawih Damna, Thuawihlo Tawrhna. Duh in thlang teh ang u.

Leave a Reply