THUCHAH

– C.Lalchhanhima, President NYMA

Hripui kara min vengtu Pathian hruaina leh awmpuina in Krismas chu kan thleng leh ta reng mai le. Kan hriat theih china kan la tawn ngai loh Mas ringtute tana hunpui dan pangngai ang a hman theih loh chu kan tawng ta. Ringtuten kan hlimna leh thlakhlelh em em thin kan kutpui neihchhun, mimal tinte kara pindan thiata hausa leh rethei te te te ang khata min hrut rualtu, kan tana nau lo piang lawm tura kan insul mup mupna hun hlu chu, HriPui chuan min up beh sak ta si. Lung a lengin a van hrehawm em!!!!.

Krismas kan hman tawh danah hian kan Pathian hi a lungawi tawhlo em ni ang le???. Krismas hmang hmasaber tuten fianrialah Isua ke bula thingthi a hun an hmang ang khan, thinlung leh tihtak zeta chibai buk ve turin min duh ve a ni ngei ang.

Kum 2020 chu naktip nathaiah kan lo hmang zo dawn ta der mai. Kumin chhung zawnga tlinglo tak leh fello takin YMA President a hminga ka nih ve na-ah, Hruaitupui leh Member te chungah lawmthu ka sawi mawlh mawlh a, In mi thawhpuina kawng hrang hrangah ka lawm a. In zarah mualpho lutuklo in kum 2020 chu kan lo hmang zo dawn chu ani ta reng mai le. In mi puihbawmna leh thawhpuina kawng hrang hrangah lawmthu kan sawi nawn leh a. Kumin 2020 chu Hripui avangin YMA anga hmalakna pawh kan hriat angin a har khawp mai a. Chuti chung chung chuan hma lak loh theihloh kawng tam tak Vengchhung chhiat tawh, harsatna, leh tanpui ngaite tanpui kawngah ka tlinlohna, fellohna te Member-te leh ka hruaitupui te rilru ka tihnatnaah te in mi hriatthiamna leh ngaihdamna ka dil che u a. In mi thawhpuina tha tak avang pawhin ka lawm a, lawmthu ka sawi a ni.

Tin, Naktip lawkah kum danga kan hman thin Kumhlui thlahzan chu kan hma chhawn leh dawn a, hetah hian a bikin YMA Member ten tuna kan hun hman zelah hian kan hmakhua, kan khawvel a hril ani tih hi theihnghilh loin vawng tlat ila, thil tih nana tha ber chu tun hi ani a, tihpui atana tha ber chu kan bul a mite hi an ni. I bul amite hi eng ang mi nge an nih ngaihtuah chungin, I thil tih tur pawh ngun takin ngaihtuah la. I nakin hun a tha lam, a chhe lamin a hril thui hle a ni tih hi theihnghilh suh ang che.

YMA Member kan nih angin, YMA zia riltak Pathian duh zawng nun hmang tura pawl lian tak, member pawh Nuaili chuang awm pawl member i nihna hre rengin, nun hmang tha la, Chhumchhia, tanpuingai te pui a, rinchhan neilo ten thlamuan nan an hman zel theih nan, Member zawng zawng ten kan hun puiah kan theihna kan thiamna hmangin Pawl lian tak YMA ti vul zel turin hun i hmang ang u.

Leave a Reply