TLANMUAL COMMITTEE : 2019

BUNGKAWN, NURSERY VENG & BUNGKAWN VENGTHAR ,THLANMUAL COMMITTEE : 2019
Executive Meeting Vawi 1-na

THURELTE :
1) May 28, 2019 (Thawhlehzan) a Thlanmual Committee OB Meeting neihin a lo rel tawh ‘Thlanmuala hmalakna reng reng ah Thlanmual Committee ah thlen hmasak thin nise’ tih chu lungrual taka pawm a ni.

2) Thlanmual In panna kawng siam chungchang : Thlanmual In panna kawng pangngai leh a In bulkawr step RCC a siam nise kan ti a, a siamna tur sum chu OB ten phungbawm sawmin lo ngaihtuahse kan ti.

3) Thlanmual In kawta Two Wheeler parking siam chungchang : Thlanmual In kawta TwoWheeler parking siam chu tha kan ti a, two wheeler kalna tur pipe phum a, a tul anga hmalak chhunzawm nise kan ti.

4) Thlan laihna hmanrua inpawh pawlh chungchang : Thlan laihna hmanrua hi inpawh pawlh loh tawp hi a harsa deuh ni a a lan avangin hmanrua hi a tul anih chuan inhmanpawlh nise, amaherawhchu, hmanraw engemaw bikah chuana neitu Branch te hrilhhriat thin nise kan ti.

5) Branch pathum ten a huho a thlan chei hun siam chungchang : Thlanmual Committee kaihhruaina hnuai ah, Branch pathum te – Bungkawn, Nursery Veng leh Bungkawn Vengthar ten ahuho a thlan chei runpui siam nise kan ti a, a hun atan hian rokhawlhna a awm loh chuan December 7, 2019 (Inrinni) nise kan ti. Hemi ni a ei leh in hi Bungkawn Branch YMA ten lo kut ken mai se, Thlanmual Committee in puibawm bawk se kan ti.

6) Nursery Veng thlanmual hlui mawng kawngpui thlang leh thlanmual ram (Pu R. Liantluanga ram) chungchang: Nursery Veng thlanmual hlui mawng kawngpui thlang leh thlanmual ram (Pu R.Liantluanga ram) te hi thlanmual thar leina turin LSC fel thlap a then a hralh tura ruahman nise kan tia, hma lo la a buaipui turin Thlanmual Committee OB te leh Adviser te kan ruat. LSC hi a remchangthei lo anih chuan LSC tello a hralh a, a hnua LSC hi buaipui leh mai nise kan ti.

7) Thlanmual Dan leh Dun ennawn chungchang : Thlanmual Inkaihhruaina Dan kan hman mek chu kan ennawn a, siamthat ngai siam tha a belh ngai leh paih ngai te belh a kan paih hnu in ahnuaia miang hian kan pawm –
1. Thlanmual thar ah hian thlan hung phal a ni lo.
2. Thlan lung rem chungchang :
(a) Thlan dung lam hi 7ft aia sei in rem loh tur a ni.
(b) A vang lam 3 ft aiin a zau tur a nilo.
(c) A san zawng ah hian Thlan dang nena khai rual tak a rem tur a ni. Thlan lungremtu tenThlanmual Committee/anmahni Branch YMA hruaitute rawn thin ni se.
3. Thlanmual In atanga kuang zawn chhohna (stretcher) hi Branch tin ten hman theih a ni.
4. Thlan lung rem zawl atanga teh in Thlanlung hi 3 ft aiin a sang tur a nilo.
5. Thlanmual Bungrua/Hmanruate hi a neitu Branch te phalna la hmasa lo chuan in hman sak loh nise.
6. Thlanmual thar ah hian a lane in dawt thlap in Thlan laih thin tur a ni.
7. Tumahin mahni hmun duh lai Thlan atan an thlang thei lo ang.
8. Thlanmual hlui leh thar ah inphum thuah phal a ni lo.
9. Thlan sîam a, thlan lung phun reng rengin mahni awmna Branch hruaitute hnenah inhriattir tur a ni a, current hmang turin Rs 300 pek tur a ni.
Thlanmual Inkaihhruaina Dan hi Thlanmual ah tar leh nise kan ti a, Secretary leh Tv. Andrew Lalchungnunga ten a theih anga rangin lo buaipui se kan ti.
Heng kan inkaihhruaina Dan hi Branch tinah an Branch chanchinbu ah theuh chhuah tur a pek nise kan ti.
Thlanmual Inkaihhruaina Dan in a phal loh angin, Pu Hmingthansanga, Nursery Veng chuan thlan hungna te ?hiat tura hriattirna lehkha pek nise kan ti bawk.

8) Thlanmual Budget chungchang : Kum 2019 hian Thlanmual Budget neih leh tha kan ti a, Branch tin tan Thlanmual Budget hi Rs 12,000 nise July 2019 ral hma a Treasurer hnenah pek vek nise kan ti.

Thlanmual sum hi Audit thin nise kan lo tih tawh angin, kumin 2019 Thlanmual sum hi Audit nise kan ti a, Auditor atan heng mi te kan ruat –
(i) Pu Zosanglura
(ii) Pu Lalsangliana Ralte
(iii) Pu R. Vanlalhmachhuana

9) Thlanmual Chowkider chungchang : Thlanmual Chowkider chungchang kan sawi ho a, kumin chu kum alaklawh tawh avangin tuna kan hman mek Pu Lalfamkima (Kawngtea) chu lak nawn leh mai nise, June 23, 2019 (Pathianni) hian V.C. Hall, Nursery Veng ah koh nise, a mawhphurhna te lo hrilhhriat nise kan ti.

Leave a Reply