UI MAWLH MAI HI

– R.L. Mangkhuma

Sawi leh sawi hnu – Article (thuziak) mawl te hian mi a fan zawmahin rinna ka neih tlat avangin hei Ui chung chang thuah CHAWNGKHUM DAN TLANG HUAT LOH tiin ka han ziak ve leh chawm mai a ni.

Mizopa ngawih ngawih rilruah chuan UI hi in vengtu leh Pasaltha te thian tha niin “mitinte thian” a ni ber mai. Chutihlaiin, Ram leh Hnam thang zelah hian tunhma a kan rilru a lang phak ngai reng reng lo ‘HRISELNA DAN THA’ te kan lo ngaihpawimawh ve tak chinah chuan, ui te hi thil tuihnai ber leh tawp ber (eg) Kurtai leh Sa leh mihring ek leh khak te pawh liak a ei mai zel chi an ni a. Thlun loh phei chu mihring karah hian an tlangnelin hmun thianghlim ber leh hmun tawp ber te dai pawlh mai mai rannung tenawm leh tawp tak, thil tenawm leh hri/hrik hlauhawm leh tha lo tak tak te thehdarh tu tangkai ber te zing a mi a ni tih hriatna atangin – Sawrkar leh NGO lam zawng zawng ten hnawk ti a ngaimawhin, Ui thlung lo chu Roreltute kutah Rs. 100/- tel chawi tir theihna dan mawi leh awmze nei tak (Order) siam chhuak a, tlangau te pawh au tir hial a lo ni tawh thin a.

Mahse, chutihlai mek chuan, thenkhatin haiderin – thenawm khawveng te laka in tih chungnun tumna deuh rilru pu niawm tak a LENNA a Ui hruai in thlahrunna chang pawh hre ve phak lo – inti tuavawn ve ang reng deuh si te vawiin ni thleng hian kan la awm anih chuan, min sawiselin hmaichhanah khak duh lo mah se, heng ho hian kan Kristianna rilru tal hian mi zing a cheng ve tlaka hawihhawmna dan mawi ‘UI HRUAI ZEL LOH’ te hi i in chin hmuh tawh zawk teh ang u. Tichuan, in sawisel leh phunnawi neuh neuhna thawm ri a lo reh ve deuh ang a ‘Veng nuam leh hahdam’ kan lo ni ve dawn zu nia tiin kan in sawm a ni e.
RORELTUTE HI PATHIAN RUAT AN NI SI A

Leave a Reply