UNLOCK 2.0 – MIPUI HRIATTUR TLANGPUI

  1. State pawn lam lirthei driver leh handyman, phai atanga bungrua rawn thiar lut thinte chu an kalphung pangngai angin khaw dai hmun remchangah anmahniin eirawng an inbawl chawp ang a, khawchhungah midang nen inchiahpiah lovin an bungrua an unload zawh veleh an let leh nghal ang. An bungrua unload chhung hian midangte atanga metre 2 (hnih) tala hla-ah an awm tur a ni. Aarogya Setu-ah driver leh handyman-te hi in register vek tur a ni.
  2. Mizoram chhunga office zawng zawngte chu dan pangngaiin an kal ang. Office tinah SOP for Social Distancing (Attachment-1) khauh takin kalpui tur a ni.
  3. Minister-te public interview hun erawh chu khar rih a ni.
  4. District headquarters-ah te chuan zan dar 8:30 pm leh zing dar 4:30 am inkarah pawn chhuah khap tlat a ni.
  5. School, college, educational leh coaching institution te chu khar chhunzawm an ni ang.
  6. Central leh State Sawrkar hnuaia training institution te chu Ministry of Personnel, Public Grievances and Pensions, Department of Personnel & Training in Office Memorandum No.19011/1/2020-TFA dt.03.07.2020 hmanga SOP a chhuah zawm chungin hawn theih a ni ang.
  7. Mipui ten a hmuna an en theih tur games & sports tournament huaihawt phal a ni lo. Entu mipui punkhawmna tel lo games & sports practice erawh chu neih phal a ni. Amaherawhchu, mi 25 aia tam punkhawm khap a ni.
  8. Cinema hall, swimming pool, intawllenna hmun, auditorium, assembly hall leh hetiang hmunte chu khar chhunzawm tur a ni.
  9. Sakhaw biakna hmunah te chuan mipui punkhawmna thil huaihawt phal a ni lo. Zing tawngtai inkhawm erawh mi 50 (sawmnga) aia tam lo inkhawm phal a ni.
  10. Mitthi vuina, lungphun, inneihna, anniversary, pawl thila kalkhawmna, book release, etc. ah chuan mi 50 (sawmnga) aia tam punkhawm khap a ni.
  11. Mi tam takin an eizawnna kawnga harsatna an tawh te sutkian puina atan, mi 25 (sawmhnih panga) aia tam lo punkhawmna tur thilah chuan Deputy Commissioner ten kaihhruaina fel tak siamin phalna an pe thei ang.
  12. Aizawl City Bus Owners Association (ACBOA) in tlan dan tur a ruahman angin an intlan chhawk ang. Amaherawhchu, Chawlhni (Sunday) chuan eng motor mah tlan phal a ni lovang.
  13. Chhiat tawh thilah, chhiat tawk hming leh veng ziakin chhungkaw member te tan leh medical emergency-ah chuan LLTF ten lirthei tlan phalna an pe thei ang.

Leave a Reply