VANTLANG INRAWNKHAWMNA NEIH A NI

Ni 4th Octobeter, 2019 (Zirtawpni) zan khan Joint Action Committee meeting in alo rel tawh angin “Khawtlang nun siam thatna (Ruihhlo laka naupang zawkte venna) kawnga hmalak dan tur” chungchangah vengchhung Nu leh Pate nen inkawm khawmna hun duhawm tak hman a ni. Hetiang hian YMA Section hrang hrangah ruahhmanna siam in he programme hi hman ho a ni.

Thupui atan, “Khawtlang nun siamthatna tura inrawnkhawmna” tih chu hman a ni. Resource Person: Pu Lalchhuanawma (Putea). Convener: Pu K.Lalngheta, Pu R.Zolura.

Y-Section huamchhunga awm te V/C Hall-ah neih a ni. Pu Lalneihtluanga’n a kai hruaia, Hunserh : Pu MC.Hlunthanga, Report: Pu R.Lalduhawma, Thusawi : Pu K.Lalngheta, thu sawi zawh hian sawihona neih chhunzawm nghal a ni. Nu leh pa 72 chuang kalkhawm a ni.

M-Section huamchhunga awm te YMA Hall-ah neih a ni. Pu R.Lalhmangaiha’n a kai hruaia, Hunserh: Pu C. Zohmingthanga, Report: Pu Vanlaltluanga, Thusawi : Pu Lalchhuanawma (Putea), thu sawi zawh hian sawihona neih chhunzawm nghal a ni. Nu leh pa 70 kalkhawm a ni.

A-Section huamchhunga awm te Model English Medium School-ah neih a ni. Pu H.Lalchhuanawma’n a kai hruaia, Hunserh: Pu Peter Lalliantluanga, Report: Pu C. Lalnunsanga, Thusawi : Pu R.Zolura, thu sawi zawh hian sawihona neih chhunzawm nghal a ni. Nu leh pa 73 vel kalkhawm a ni.

Hun duhawm leh hlawhtling tak hman a ni thei chu lawmawm kan ti a, he inrawnkhawmna hian rah tha tak a chhuah ngei kan beisei. Nu leh Pa rawn kalkhawm zawng zawng te leh thingpui min lum sak tu Section YMA-te chungah Nursery Veng Joint Action Committee chuan lawmthu a sawi tak zet a ni.

Leave a Reply