VENG CHHUNG MIPUI HRIATTIRNA

– C. Darthankima
Chairman, Local Council
Nursery Veng

Mihring nun lo chang kang zel ah ram leh hnam, khawtlang pawh in kangkan lam kan pan ve zel a. Chumi mil zel a kan nun leh hun te pawh kan hman thiam ve zel a ngai a ni.

Mizoram sawrkar hnuai a AMC a hma la tu te chuan Aizawl khawpui alo fai a alo thianghlim theih nan chhungtin te kan bawlhhlawh khawl dan tur leh paih dan tur ruahmanna Dan thar a han siam a, chhungtin hnenah chu lehkha chu sem a ni tawh a, la nei lo pawlh kan awm a nih chuan Local Council Member-te hnenah lam tur a ni e. September ni 1(Thawhtan) atangin chu dan chu Nursery Veng ah pawh kalpui tum a ni a, chhungtin ten DAn anga kan bawlhhlawh te khawl a paih turin kan in ngen tak meuh meuh a ni e. Tin, bawlhhlawhte hi bawlhhlawh paih motor-a bun mai lovin kan fun ang a, a fun ang ang a paih tawh tur a ni bawk e. Hei hi AMC thu chhuak a ni. Tin, chhungtin a bawlhhlawh paih man kan khawn thin te pawh min tihpun sak a, thla khat a Rs. 50 a khawn tawh tur a tih kan nih ang in kan khawn tawh dawn a ni. Kan lo inrin lawk theih nan kan han inhriattir lawk a ni e.

Pathian khawngaihna leh kaihhruaina hnuai ah Nursery Veng pawh in hmel thar/hmasawnna thar a nei ve zel a. A van lawmawm em!! Kan Ward Councillor Pi Zodingpuii chuan Closed Circuit Television (CCTV) min pe in, vuah fel a ni tawh a, Pi hmingmawii in leh Pu C. Lawmsanga te in inkar step vawn ban (Hand Railing) siam a ni a, Pu C. Darthakima in bul ah Hand Railing siam a ni bawk. Tin, Field bul ah side darin siam ni in, inkhel entu te thuthleng siam a ni a, MLA fund in Pu R. Lalneihkima inbul step leh Pu seikunga in leh Venglai Prebyterian Biakin kawng step zauh thlak a ni bawk.

Kan veng MNF Party Unit te leh Local Council te chuan vengchhung inkal pawhna tur kawng, Pu C. Darthankima in atanga Saizahawla Tuikhur, Saizahawla tuikhur atanga Field, Middle School atanga Pu Zonghaka, Pu F. Tlangsiama (L) in atanga Khatla South te chu PWD SDO leh JE hovin en a ni a. Kan sawrkar chak tak hnuai ah tih puitlin ngei kan in beisei a ni.

Lal Isua leh a zirpui ten Ui thisawn an hmu a, zirtir te chuan an ten hle a, Lal Isua chuan a ha var tak a hmuhsak a ni. Mihringte hi tumah fel famkim kan awmlo a, tlinna leh tlin lohna lai nei vek kan ni. Tlin lohna lawm in ensak lova, a tha lam zawnga kan in ensak a, veng tan, khawtlang tan, kan theih tawk a hma la zel turin kan in sawm nawn leh e. Ka lawm e.

Leave a Reply