We Are The World (Nou se Mond la)

– Solomon L. Sailo

Michael Jackson leh Lionel Richie te phuah ‘We are the world’ hi 1985 khan Africa a tam tuarte chhawmdawlna tur a record a ni a, ‘USA for Africa’ tih a ni. Quincy Jones produce a ni nghe nghe.

Tuna remake chu adang ta deuh WillIam phuah Rap part a tel ta tlat mai, Red One, Wyclef Jean leh Rickey Minor te pawh producer ah an tel ta, 1985 a mi Original nen khan khaikhin a hlawh nghal hle a ni.

A 25th Aniversary Remake hi 1985 a mi nen khan khaikhin chi a ni em? Tunlai kan khawvel Music hi 1985 hunlai ai khan a dang ta hle a ni, R&B leh Hip Hop a ni tlat tawh, We are the World original hun lai khan Rock lo chu tih hun lai a ni tlat, hla hlui thenkhat hi chu khawih danglam lova a awm hian a ropui zawkin ka hre thin, Khawvela hla ropui kan tih te zingah hian ‘We are the world’ hi a tel pha ve ngei awm e.

Grammy Award sem zawh hlim, Los Angeles a zaithiam rualte fuankhawm vanglai tak a ni a. Tin, January ni 12th a lirnghing rapthlak tak tuarten, tanpui an ngaih em em hunlai a ni bawk nen, he hla an re make leh hi chu a remchang em em thung a ni.

Wyclef Jean, Haitian-American songwriter, singer leh rapper hian a thawhhlawk hle a, English leh Haitian Creole a han chawhpawlh kual a, a aw han tial vel chuan a rawn chawrchhuahna Afro-Haitian a tarlang chiang hle a ni. 1985 ang bawk khan chart topper rual an in lan leh a, kum lama upa deuhte pawh an tel ve leh ta tho, mahse hranghlui te aw kha chu an tluk tak tak lo niin a lang, We are the world original leh remake dang lamna atlangpui i thlir chiang teh ang.

Opening verse, Lionel Richie part kha tleirawl kum 15, Justin Bieber-a’n a rawn chang ta tlat. Kenny Rogers pawh Josh Gorban-a’n a thlak a, Stevie Wonder hi Enrique Iglesias leh Adam Levine (Maroon 5) in an thlak leh a,Usher pawh Micheal Jackson tihdan zir niawm takin alan ve bawk kha, Lil Wayne, Akon leh T-Pain te pawh auto tuned hmangin an rawn in lan ve bawk, hmanni lawk a kan thlahliam tak Micheal Jackson pawh a rawn telve leh a, Diana Rose nen a an zaidun na kha a unau nu Janet Jackson nen a ni thung, Cyndi Lauper kha Celine Dion in a thlak a, Bruce Springsteen, Stevie Wonder, Ingram leh Ray Charles ten a tawp khar tawh lovin remake ah thung chuan Rap in a tawp thung a ni. Kanye West Solo atangin Will.i.am kaihhruai Rap kan hmu a, Rapper rual LL.Cool J. Will.I.Am, Snoop Dogg, Busta Rhymes, Swizz Beatz te an su dual dual a nih kha, Bernnett leh Santana te pawh an rawn che tha hle, sawi vek tum mah ila kan sawi vek seng lovang, remake chu a dang ta hle a ni.

Original a mi te kha heng kan zaithiam te hian an thlak zo meuh lo chuan ka hria, Akon, Lil Wayne leh T Pain te hian auto tune hi hmang ta lo se a nalh zawk ngawt ka ring. Tin, heng zaithiam rual fuankhawm hi an ti hlu lo zo niin a lang, engpawh chu nise Haiti a tanpui ngaite tan a tih a ni a, a ropui hrim hrim a ni.

Video lamah chuan a hma mi ai khan a hmuhnawm zawk chiang a ni, Studio chhung ringawt lang tawh lovin Haiti tuar nasat zia te alang hnem bawk nen, Director Paul Haggis (2004 a film hmuhnawm tak Crash director) a fakawm hle. Tin Conductors Quincy Jones leh Lionel Richie te hi a sulsutu ber an ni tih theihnghilh lovang.

A that zawkna te, a fuhlo zawkte sawi tur atam mai a, mahse heng te hi sawisen a ni vek si lo, ‘We Are The World’ A 25th Aniversary remake hi lo belchiang ve teh..

Leave a Reply