YMA DAY A HUHOVIN KAN VENGAH HMAN A NI DAWN

YMA Day vawi 76-na kan lo thleng leh dawn ta a, Kumin YMA day chu inhmelhriatna leh in unauna tha zawk kan neih theihna turin Bungkawn Branch, Nursery Veng Branch leh Bungkawn Vengthar Branch ten chhun Programme chu a huho vin Nursery Veng Basketball Court (Middle School Kawt) ah hmanho tur a ni a, he mi atan hian Branch Pathum atangin Join YMA Day Celebration Committee pawh hetiang hian siam a ni:

Chairman : Pu V.L. Zamlova (Bungkawn Branch YMA)
Vice Chairman : Pu Lalremchhunga (Bungkawn Branch YMA)
Secretary te :
Pu Samuel Lalmuankima (Bungkawn Vengthar Branch YMA)
Pu Lalsangliana Ralte (Bungkawn Branch YMA)
Treasurer : Pu R. Lalhmangaiha (Nursery Veng Branch YMA)
Com.Member : Branch Pathum O.B te an ni.

YMA Member zawng zawng ten hlim taka kan hman theih na turin infiamna chi hrang hrang hetiang hian ruahman a ni.

1. Volleyball for Men & Women
2. Basketball for Men
3. Kawikah for Women
4. Musical Chair for Women
5. Cultural Show
(1)Cheraw (Buhnih) (Bungkawn Branch YMA)
(2) Chawnglaizawn (25 member aia tlem lo) (Bungkawn Vengthar Branch YMA)
(3) Tlanglam (25 member aia tlem lo) (Nursery Veng Branch YMA)
6. Zaipawl – (Nursery Veng Branch YMA)
7. Solo – Branch tin atangin pakhat theuh.

Volleyball leh Basketball bik hi Branchte intihsiakna tur a ni a. Hmeichhe tan Kawikah leh Musical chair hi intihsiakna tur a ni bawk. Intihsiakna tur hi YMA day hma kar atanga tan tur a ni.

Intihsiakna tur Item hrang hranga mawhphurtu tur (incharge) pawh hetiang hian siam nghal a ni.
Volley Ball : Tv. H. Vanlalthlana (Bungkawn Branch YMA)
Basket Ball : Tv. Lalrinzuala Chawngthu (Nursery Veng Branch YMA)
Musical Chair : Pu C.V.L. Remruata (Bungkawn Vengthar Branch YMA)
Kawi Kah : Pu Zosanglura (Bungkawn Vengthar Branch YMA)

Tunhmaa Branch pakhata inlungrual taka thawkho thin, khawvel thangzel vanga Branch pathuma lo inthen ta ten Inunauna leh inpawh tlanna kan neih thar leh theih nana kan hotuten ruahmanna an siam hi Memberten ngai pawimawh ila, thahnemngai takin a hlawhtlin theih nan mahni hmazawn theuhvah hma ila ang u.

Kan Branch hruaituten mawhphurhna hrang hrang min la rawn bel dawn, tlanchhiatsan lova, tlawmngaih chhuaha kan veng leh khawtlang tan ani tih hria a theihtawp lo chhuah turin kan insawm a ni e.

Leave a Reply