YMA DAY VAWI 83-NA ROPUI TAKA LAWM A NI

YMA Day vawi 83-na chu Nursery Veng Branch YMA chuan ni 15.06.2018 khan Govt. Middle School kawt ah a hmang a. Bialtu MLA, Pu Vanlalzawma chu khuallian a ni. Khaw awmdan in a zirloh avangin programme duan sa tamtak tih theih a ni lo a, section in elna thenkhat – volleyball, basketball leh Futsal-te chu tih hman a nilo a, hengte hi hun remchang hmasa berah neih tum a ni. Zingkar hnatlang neih tura duan lawk pawh ruah sur nasat avangin nimin (16.06.2018) zingkar khan neih a ni.

YMA Day lawmna inkhawm hi zing dar 11:00 ah tan a ni a, Pu C. Lalchhanhima, Vice President, Nursery Veng Branch YMA chuan a kaihruai a, Pu Zokunga, President, Nursery Veng Branch YMA chuan kalkhawmte lawmna leh fuihna thu tha tak a sawi a ni. Khuallian Pu Vanlalzawma chuan a ma senso in kumina kan venga HSLC leh HSSLC pass tharte Dictionary a pek theuh bakah Music Sub-Committee buatsaih, Khawhar Hlabu a release bawk a ni.

Pu Vanlalzawma chuan YMA Day hmangtu zawng zawngte chibai buk in, zirlaite chu taima taka an zirlaite zir a, thawhrimna nen chauh hlawhtlinna a awm tih hrereng turin a fuih bawk a ni. YMA Day hmang tura kalkhawmte hi Pu F. Vanlalhriatreng (Y-Section) leh Nl. R. Lalnuntluangi (A-Section) te chuan zai mawitakin an awi bawk a, mipuiin an hlimpui hle.

Hemi ni hian Section inelna thenkhat neih a ni a, intihsiakna result chu a hnuai ami ang hi a ni:

1. Cheraw :
Pakhatna – A – Section
Pahnihna – M- Section
Pathumna – Y- Section

2. Spoon Race :

Pakhatna – M – Section
Pahnihna – A- Section
Pathumna – Y- Section

3. Kawi Kah :

Pakhatna – Y- Section leh A – Section
Pahnihna – M- Section

YMA Day hlawhtling taka hman a nih theih nana mahni chanvo theuh tha taka hlen chhuaktute chungah Nursery Veng Branch YMA chuan lawmthu a sawi a, YMA nihna vawng nung a, pawl thianghlim a nihna hre reng turin member zawng zawngte a ngen bawk a ni.

Leave a Reply