YMA DAY VAWI 84-NA

YMA Day vawi 84-na chu Ni 15.06.2019 (Inrinni) khan Government Middle School kawt-ah Proramme hlimawm tak nen hman zawh a ni. Kei veng Branch tan chuan YMA day vawi-23 na a ni thung. YMA Day lawmna tur atan hian Ni 4.06.19(Zirtawpni) atang khan Govt. Middle School kawt-ah hawnna neiin Section inelna a bul tan a ni. Tin, YMA day inpuahchah nan Day hma Zirtawpni thlengin Section inelna hun hman bawk a ni.

Dt. 14.06.19 (Zirtawpni) zan khan VC Hall-ah Zirlai pass thar te (HSLC & HSSLC) lawmpuina hun hman a ni a, hetah hian Music Sub-Commtt te’n Special Item an hman bakah Female Voice inelna pawh neih a ni. YMA Day Inrinni tuk zing hnatlang neih a ni a, Kan Thlanmual hlui te thianfai chungin Thingtiak engngemaw zah phun bawk a ni. YMA member hnatlanga thawkchhuak an thahnemin a lawmawm hle a ni.

Dt.15.06.19(Inrinni) YMA Day Chhun programme chu Govt.Middle School tual-ah neih niin Pu C.Lalchhanhima President in min kaihruaia, hunserh Pu C.Zohmingthanga,Fin Secy in a hmang thung. YMA member Boralte sunna neiin Minute 1 ngawirenga din a ni.

Hemi zawh hian Section inelna chhunzawm nghal ani a, Cheraw (Buhza ai) leh Chheihlam inelna te neih a ni. YMA Day Futsal Final hmuhnawm inkhel enin a zui a, Futsal Final hi M-Sec ‘A’ Team te leh Y-Sec ‘A’ Team ten an khel a, Basketball final hi M-Sec leh A -Sec ten an khel ve thung. An tangin Member tawiawmtu an thahnem hle. Kawikah intihsaikna neih a ni a, Section tin atangin Hmeichhiate rawn chhuakin a hlimawm hle a ni.

Chhun thingpui hmeh atan Branch YMA chuan Bawngsa, Alu leh chaw sem a ni a, veng mipute kan puarin kan hlim hle bawk. (Section inelna Result te puannghal a ni a, Result erawh issue leh ah kimchang zawka chhuah tum a ni.)

YMA Day lawmna tura inpuahchana kawng tinrengah YMA memberte leh vengchhung mi inphalte chungah lawmthu sawitur kan ngah em em a, Section inelna tur atana inpuahchah nan a V.C hall hman te, a tul apiang a Middle School hman thin leh chumi atan a Current leh Light min hmantir tu te, thuthleng leh dawhkan min hmantir tu Govt. Middle School thuneitu te leh Nursery veng Sporting club te chungah lawmthu kan sawi tak zet a ni. Hei bakah hian YMA Day hlim leh lawm taka kan hman theihna tura mawhphurhna nei zawng zawngten phur tak leh an mawhphurhna an hlen vek avangin a lawmawm takzet a ni. Lawmthu sawi tur tam tak kan nei a, vengchhunga nu leh pa, naupang te leh inelna leh programme hrang hrang kaihhnawih ti hlawhtling tura Section hrang hranga YMA Member rawn thawkchhuak thin te, Section inelna a mahni Section tana thahnemngai taka thawkchhuak thinte fak awm kan tiin lawmthu kan sawi a ni. “ Kum 2020 YMA Day vawi 85-na dam leh hrisel taka hmang thei leh turin Member zawng zawngte duhsakna sang ber kan hlan a che u.

‘YMA vul zel rawh se’.

Leave a Reply