YMA GENERAL CONFERENCE VAWI 72-NA CHHURA RUN AH HMAN A NI

Dt. 15th – 17th October, 2019 khan N. Vanlaiphai khawpui ah Y.M.A General Conference Vawi 72-na hman a ni a. He hun hmanna pui ber hi N. Vanlaiphai Public Playground a sak ‘CHHURA RUN’ ah neih a ni a, palai riak lut mi 4551 niin , lang a kal mi thahnem tak an awm bawk a ni.

General Secretary Cental Y.M.A report atang a a lan dan in tun dinhmun ah Sub-Headquarters Y.M.A – 5, Group – 47, Branch – 803 kan awm mek a, member mipa – 263649 leh hmeichhia – 182974, an vaiin – 446623 kan awm mek a ni. Heng bak ah hian ram pawn Assam, Meghalaya, Manipur, Tripura, Nagaland leh Bangladesh (Sajek) ah te Group leh Branch a awm bawk.

He khawmpui hi Pu Zoramthanga Chief Minister, Pu Lalnunmawia Chuaungo, Chief Secretary, Pu Lalchamliana Home Minister leh Pu H. Lalrinliana MLA leh sawrkar lam mi pawimawh tam tak ten an hmanpui a ni. Ramngaw leh Nungcha, Tuihna humhalh tha lawmman leh Chanchinbu la tam, Chanchinbu chhuah tha te hnen ah lawmman siam ni in, sem nghal a ni. Hruaitu hlun chawimawina thuziak mi 147 hnen ah hlan a ni bawk.

Dt. 16th October, 2019 Inkhawmpui tan ni nileng khan Chhura Run ah inkhawmpui rorel neih a ni a, rorel hi chawhma dar 11:00 ah tan in, Pu Vanlalruata President Central Y.M.A in a kaihruai a ni. Rorel palai mi 1476 ni in, Agenda- Y.M.A khawih 5 leh Sawrkar khawih 2, a vaiin 7 a awm ani.

Rorel te chu:

YMA khawih:
1. ‘Mizoram chhuna ln sak leh thildang theka tam ta lutuk hi a hautak em avangin, CYMA-in hma la rawh se’ tih chu lungrual takin an pawm.
2. ‘Mizo mipate dinhmun leh mawhphurhna inzirtir kawngah CYMA-in hma la rawh se’ tih chu lungrual takin an pawm.
3. ‘All lndia Service leh Central Service dangah te Zofate a tam thei ang ber kan luh theih nan C.Y.M.A-in mi bikte tanpuia chhawmdawl kawngah theihtawp chhuah rawh se’ tih chu lungrual takin pawm a ni.
4. ‘Mizo hnam peng hrang hrangte kan in unau leh zual thei nan, a huhova Kût hman theih dan C.Y.M.A in zawng rawh se’ tih chu lungrual takin an pawm.
5. ‘Kum puan kan neih thin hi, kum hnih chhung zel atan puan tawh thin ni rawh se,’ tih chu lungrual takin an pawm.

Sawrkar khawih:
1. ‘Assam leh Mizoram ramri chinfel anih theih nan C.Y.M.A-in hma la rawh se’ tih chu Agenda hi sawi hona a duhtawkin pawm a nilo.
2. ‘Ramngaw leh Nungcha humhalh kawngah Sawrkar-in tun aia nasa zawkin hma la rawh se’ tih chu lungrual takin an pawm.

KUMPUAN RAWTNA
1. Ram leh Hnam humhalh,
2. Zirna uar.

Kum 2020 Kumpuan atan “Zirna uar” tih chu thlan ani.

GENERAL CONFERENCE 2021 THLEN DIL TE.
1. Chhimtuipui Group – Siaha
2. Khawzawl Group, YMA – Khawzawl.
3. Bilkhawthlir Group, YMA – Bilkhawthlir.

Kum 2021 General Conference na hmun tur chu, Bilkhawthlir a ni.

Kum 2020 CYMA Budget atan Rs. 1,67,76,400/- chu pawm a ni.

Dt. 17th October, 2019 khan Chhura Run ah kum 2019-2021 chhunga Central Y.M.A hruaitu tur thlanna neih a ni a, hemi hun hi Pu Lalrinmawia Sohnel CEC (Returning Officer) chuan kaihruaiin, dar 11:00 ah tan a ni a, Pu R. Sanghmingthanga President Sub-Headquarters Serchhip chuan hunserh hmangin, Pu JH Zoremthanga, Ex-President (CEC) chuan ‘YMA KALPHUNG’ tih hmangin thupui a sawi bawk. Chumi zawh ah inthhlanna neih a ni a, a hnuai a mi te hi thlan chhuah an ni.

President – Pu Vânlalruata, Tuikual South
Vote Tla – 2498
Vote Hmuh – 2337 (94%)

Vice President – Tv. Lalhmachhuana, Chaltlâng Lily Vêng
Vote Tla – 2521
Vote Hmuh – 1347(53%)

General Secretary – Prof. Lalnuntluanga, Khatla West
Vote Tla – 2457
Vote Hmuh – 819 (33%)

Asst. Secretary – Dr. Malsâwmliana, Vaivakâwn
Vote Tla – 2419
Vote Hmuh – 800 (33%)

Treasurer – Pu Fabian Lalfakawma, Chawlhhmun
Vote Tla – 2238
Vote Hmuh – 1136 (51%)

Finance Secretary – Pu Roneihthanga, Nursery Veng
Vote Tla – 2200
Vote Hmuh – 859(39%)

Leave a Reply