YMA INKAIHHRUAINA (Khawhar in riah)

a) Khawhar chhungkua tanpui leh thlamuan turin tlangval tlawmngaite khawhar inah an riak thin a, zing meichhem, tuichawi leh thing senghawi velah khawhar chhungte an chhawk zangkhai a, a tha em em a ni. Zan hnih khat chhungkhat
hnai leh thian leh thian tha, nula tlawmngai an riak thin pawh hi thil tha tak a ni.

b) Khawhar in-ah hian a nawlpui chu zan 3(thum) riah ni sela, khawhar chhungte’n thian tha leh ngam tlak tlawmngai tura an chelh duh chuan pawi lovah ngai ila.

c) In riak tlangvalte’n mutna hmun bik neih hi a mawi lova, a remchan dan ang anga haw hmasa lo siamna hmun apiang lawm taka pawm thiam a tha.

d) Thiante puanthuah siamsa a phawk thawh te, puanthuah nei lova riah ve ngawt te, khawhar riahpuinaa zu ruih te, khawhar chhungte mitmei hmu lem lova lehkhaden lakluh te, thu bawlhhawlh pui puia hram te, bengchheng siam te ching lo ila.

e) Khawhar chhungte pawhin In riak te, thlan hungtute chaw eipui te, an puanthuah suk sak te chin loh tur a ni.

f) Khawhar riahpuitute leh khawhar chhungte mut hun chungchangah mitmei inven tawn thiam a tha a, mut hmaa tawngtaina hman kan ching ta hi thil tihawm tak a ni e.

g) Branch hruaitute leh rual u te’n khawhar in riak te hnena nunphung tha leh awmdan mawi an sawi thin hi a tha hle.

Leave a Reply