YMA Kumpuan Hawn A ni

Ni 30.04.2019 (Thawhleni) zan Dar 8:30 khan V.C Hall-ah YMA Kumpuan “Ram leh Hnam Humhalh” hawnna neih a ni. Pu Zokunga, President kal chhuak ta chuan a hawng a ni.

Kumpuan hawnna inkhawm hi Pu R.Vanlal-hmachhuana, Branch YMA Vice President (Chairman, Kumpuan Sub-Committee ni bawk) in a kaihruaia. Pu R.Lalduhawma, Secretary, Kumpuan Sub-Committee in Hunserh a hmang a, hemi zawh hian Nl. R.Lalnuntluangi, A-Section zai mawitak ngaihthlak a ni. Pu Lalnunkima, Secretary Branch YMA kaihhruaina in kal kawmten YMA Inkaihhruaina an sawi rual a. Hemi zawh hian Pu C.Lalchhanhima, Br.YMA President-in Member thar lawmluhna hun a hmang a ni.

Member thar lawmluttu Pu C. Lalchhanhima chuan ‘Misionary ten YMA an din tirh atangin kum 2019 hi YMA kum 84-na chiah a nih thu leh, ‘Ram leh Hnam Humhalh’ hi YMA Kumpuan vawi 13-na a nih thu a sawi a. Khawtlang thatna tur chuan YMA nula leh tlangvalte kan penchhuah tak tak a ngaih zia te, Ruihhlo laka Mizo thalaite kan fihlim loh thu leh Ruihhlo do kawngah harsatna hrang hrang YMA in a tawh thin thu a sawi a. Kan vengah erawh chuan JAC te’n chak takin hma a la mek a, JAC tha ti chak tura YMA memberte chuan theihtawp YMA memberten an chhuah a tul thu a sawi a ni. Pu C. Lalchhanhima chuan,”Tute emaw thilruk,intibuai, ruihhlo zuarte an awmin khawnge kan JAC te hi an awm tih kan chinga, a fello hle a ni. JAC hi tu ta bik mah ani lo a, Khawtlanga Kohhran hrang hrang leh Pawl hrang hrang mipuite lenna niin kan tel vek a ni. Mitinin mahni theuhin Kan JAC thei a ni” a ti.

Hemi hnu hian hian Chairman in Kumpuan hawng turin Pu Zokunga(Pu JKa) sawm a, Pu Zokunga chuan Kumpuan a hawn hma hian Ram leh Hnam Humhalh a tul zia leh kan humhalh theih dan kawng hrang hrang a sawi a, “|halai ten kan hmakhua kan thlir thiam a tul hle mai, Sport lamah hma kan sawn chak viau nain eizawnnan a hmang erawh kan la tam lo hle mai, chuvangin thalai tute pawhin kan tih theih Lehkhazir na lam kan uar sauh sauh a tul a ni” a ti . Tin, YMA hian Pem lehkha mumal tak kan nei a, Pem lehkha hi inpek harsa lo tak si a ni zia sawiin, Pem lehkha mumal tak nei thei lo-te leh kan mi hriat chianloh te in neituten kan in kan luahtir loh ngam hi khawtlang leh ram leh hnam himna atan a pawimawh zia a sawi bawk.

Hemi zana Section hrang hrang kal dan chu hetiang hi a ni: Y Section – 36, M Section – 17, A Section – 21. Member kal zawng zawng hi 74 an ni.

Leave a Reply