YMA KUMPUAN : Ram Leh Hnam Humhalh

Ei leh inah Zofate’n tharchhuah kan nei tlem tual tual a, State dang tharchhuah abik takin THEI /THLAI kan eiuar ta hle mai. Kan thar ve chhun erawh hnamdangin an kharchhawng zung zunga, a hlawkna zawng zawng an tel thung. Thingtlang Loneitu te kumtluana an thawhrah hralhna tur mumal neiloin, kharchhawngtu te kutah an innghat ta a ni. Heng lo kharchhawngtu te pawh hi hnamdang an la ni ta fan a. Aizawl-a kan thlaithar tam zawk hi State dang a mi hnamdang(Vai) ho kharchhawn Mizote’n Bazara anlo thutpui leh chhawn a ni. “Loneitu te aiin Hnamdang Chawhmeh kharchhawngtu te an hlawk zawk tlat a, a rilru nat thlak hle a ni.” Association an awm ve tho si a, Hnamdang kharchhawn phalloh pass kher ngailoin a khap theih. Loneitu nilo, thlai hmun pawh siam lo /neilo tam tak Thlai hmanga Sumdawng kan awm ve tan pheuh pheuh a, Vai ho eizawnna kan chhuhhneh a tul hle mai.

Thangthar lehkhathiam leh fingzawk te Thlai leh Thei kharchhawn lama sumdawn i uar sauh sauh ang u. Chutihrual chuan, Thingtlang lama Loneitu te pawh infuih nan hmang ila, hmathar lak tauh tauh a tul hle mai. Kan Ram leilung ngei atanga intodelh bul tan kan ngai. State dang atanga Thei / Thlai kan lakluh te a thianghlim tawkloh bakah hriselna atan a himlo manchhuah ani ta zeuh zeuh. Chuvangin, Zofate Thei leh Thlai tharchhuah lamah taimazawka hmathar kan lak leh atul hle a ni.
Zirtawpni zanna Bazar Bungkawn-a Chawhmeh zuar Rs.500 man pawh tlinglo tur nufa an chawhmeh kawngsira an han tlaivarpui ngawt mai te hi, azahthlakin a mualpho thlak hle a ni. An khawngaihthlak rualin taima tawklo hnam nih min phochhuahna a ni.

Politic in min ti thatchhe zo a, hauhsak thutna rilru in kan nun ati chhe zo ta a ni. Loneitu te aiin Politician leh Sawrkar hnathawk zawkte chuan ram kan chuhhelh em em a, Kopang leh Luiruam chu sawiloh Khampang thlengin kan inpe faita vek a nih hi. Mahni hlawhzat tur pawh thawkchhuak zoloin kan ram hlutak chu a riral mek a ni. Kan huan/ram neih chhunte chu Thei leh Thlai tharchhuahna ai mahin Compensation/Corporation/Soceity rau zawkin kan hum tang tang a. A hlutna chu Bank-a pawisa dah khawl leh a hlawma pawisa hmuh nan, eng Scheme emaw hmanga pawisa dawn nan tih te avangin Thei lehTlai thar dehchhuah a kum telin a kiam tual tual a. State dang Thei leh Thlai chu kan ramah chawkluh (import) a ngai ta a ni. Vai tharchhuah Vai kharchhawn Thlai leh Thei intithei takin kan ei in kan lo zuar ve ta fam lek anih hi a zahthlak hle mai.

Kawng dang dap a ngai, Thei kan rama tha duh em em; Kawlthei, Tengtere, Khawmhma, Theihai, Balhla, Lakhuihthei, Sunhlu, Limbu, Sertawk, Theichhungsen, Theihmul,Lamkhuang, Theiherawt, Theite, Sarzuk, Theitat, Sakhithei, Theibuhfai, Borai, etc, (atam mai) kan ziak seng lovang. Kan ramah thei chi hrang hrang atam em em a, India rama Thei chi hrang ngahber kan ni nghe nghe ang. Heng kan thei neih te hi ching uar sauh sauh ila, ‘ khawilai emaw a kan vah vel leh zin chhuahin kan thei ei, amu kawngkama thlak,paih thin ila a tha awm e.’YMA Day- apiangin thing, thei phun/chin a tha. Nungcha leh Sava te kan ko let ang, Sumdawnna hnar tha tak niin Sik leh sa inlumlet chak lutuk pawh ati ziaawm ngei ang, Hnamdang umchhuah nan hmanraw tha tak niin ram intodelh nan a hmamraw tha tak a ni bawk. Heng kan thei ei chi te hi amu han paih maia to leh thei chi vek an ni a, mitinin kan tih vek theih hmasawnna a ni. Tin, May atanga July thla inkar hi ruahtui tlak tam hun lai, thing phun to duh hun lai a ni. Thing leh theirah phun uar turin mitin kan infuih sauh sauh a ngai a ni. Tin, Kumpuan ‘Ram leh hnam humhalh’ bawhzuina tluantling ani bawk dawn a ni.

Leave a Reply