YMA KUMPUAN : RAM LEH HNAM HUMHALH

Mizoram-ah hian Thing leh mau, Thei chi hrang hrang a tam hle a ni. Chutihrual chuan Hnim(hnim timai ila kan hre theuh awm e) phei chu chi hrang hrang atam lehzual a. Hnim kan tih hian azam chi leh thingkung anga sang em em silo, lei atanga tawi te te a lo to ve, zam chi te , par nei chi leh neilo chi te, kumkhat chauh dam (chi chhuah huna to leh chi) thing anga dam rei tak te an ni, a khaikhawm nan HNIM ti ila kan chiang uarh ber ang.

Hnim kan han tih chi ho hi ramhnuai leh in leh avel te a to chi te pawh a awm a, tin, fur lai leh nipui lai chauh a awm te, Thing hmun(ramngaw hmun)a awm te bakah tlanglama to chi te, lungkhawkrawk hmuna to chi leh kawngkam leh luipui kam bakah tuiluankawr kam leh a sir vela to chi te pawh a awm nual a ni. Heng Hnim kan tih ho hi an upa tawh em em a, Mizo te he rama kan chen hma daih tawha lo awm te leh Mizo te’n hmun dang danga kan zinchhuah ve hnu a kan lakluh leh Hnam dang te rawn put luh te pawh a awm nual ang. Tin, Cyclone leh khawvel sik leh sa danglam chho zel azira lo lawilut te pawh an ni ang. Engpawh nise, “Pathian in a duhtaka a siam, awm tura atih leh Mihring leh nungcha, sava leh ramsa, rannung te tana tangkai tura a totir a ni.” Chuvangin, kan dimdawi in kan enkawl tha tur a ni.

Nunna nei zawng zawngte tana an chaw tha leh invenna, humhim nana an hman, dawmdawi a tana an hman, boruak tha leh tuithianghlim pe chhuak tu a ni. Thingkung lian tak tak kara lo awm pawh hian awmzia a nei ngei ang , khampang leh awi tak tak a awm te, luipui kama awm te pawh hian tangkaina an nei ngei ang. Mihring te tan phei chuan an hlu leh lehzual a, RAMHMUL DAMDAWI kan ti a, natna chi hrang hrang tidam theiin kan buaipui mek a nih hi. Damdawi atan a kan hman tlanglawn han tarlang ila; Tlangsam, Hlo-nuar, Ramlakhuih, Kawldai, Sangharvaibel, Bawltehlantai, Vaihlenhlo, Thuamriat, Midumpangpar, Chhawntual, Mitthivaimim, Tatkawng, Mitthisunhlu, Japan-hlo, Ankasa, Kangdamdawi, Khuangthli, Saron, Anhling, Lenhling, Phuihnam, Phuihnamchhia, Leihruisen, Tling, Kawi, Hnamtur, Kangthai, Buarze, Aichhia, Lakheranthur, Di, Tuktinpar, Ailaidum, Anhling, Tawkte, Tawkpui, Thakpui, Arngeng, Arratukkhuan, Builukham-pa,Vawihuihhrui, Hnahthial, Tlaizawng, Derhken, Vakohrui, Archangkawm, Athlo, Ankhapui,.etc, atam mai kan ziak seng lovang. Mizoram-ah hian Hnim chi hrang hrang atam ber awm e.

Kan ziahlan aia tammah a la awm tih hria ila, heti tak maia Hnim chi hrang tam tak Mizo te min pek mai le. Kan vanneihna hi kan hmanthiam atul hle rualin, a tihpun, dimdawi, a enkawl leh venhimna lamah kan mawhphurhna hretlang ila a tha awm e. Hnatlang ilo a kan thawhchhuah changte, Lo/huanthlai kan samfai (Hlothlawh) changte hian samfai duak kher lo ila, a hnawklo tawkchin chu zuah hram hram i tum tlang ang u. Kopang leh kawrkam, kawngkam vela alo to ve de de te pawh hi mit tikhamlo tawkin zuah a tha e. Kan samfai kan ti a, a eng ber kha nge FAINA chu ni ang le? kan halral leh a. “Bawlhlawh hi HNIM a ni em ?” Kawngsira kawngdal mit tikham deuh te chu lo hlawi deuh mah ila a pawi lo e. Mahse, “BAWLH-HLAWH HI HNIM ANI LO” , tih hi i hre thar leh ang u.

Heng kan rama HNIM kan neih te a chereu mai dawn a, a then te chu hmuh tur a awm mumal tawh lo a ni. Kan Ram leh Hnam tan hian a hlu em em a, Kan rama hnamdang awmte hian an hriatfuh hunah phei chuan Damdawi atan thiam takin an sawngbawl ang a, to tak takin min leitir leh mai ang. “Mizoram-a HNIM chi hrang hrang awm te hi hnamdangin an zirchian ve kher a tul lo.” YMA Kumpuan, Ram leh Hnam Humhalh-na kawngah kan hmuh hmaih hauh loh tur a ni. Zo-hnahthlak unaute zingah te, Zo-hnamzia/nunphung (culture)-ah te, pi leh pute hunlai a engtiklai pawh a telve reng an ni. Thlauhthla bik thei kan ni lo, “Ram leh hnam tan, i humhalh zel ang u.”

Leave a Reply