YMA KUMPUAN: Ram Leh Hnam Humhalh

Hriselna leh Faina lamah hma kan sawn lo. Faina tello hriselna a awm theilo. Ramfai an hrisel thin. Faina kawngah hma kan sawn chaklo êm êm a, hei hian râm hmasawnna tur tam tak ati bahlah a ni. Kan ei leh in sûkthlêk zâwng duh zâwng thlengin ala bawlhhlawh viau a, bawlhhlawh kan paih dân pawh ala ultra khawp mai. Faina kawnga hmasawnna te chu a zuan a zuang chi pheichu a ni lem lovâng. Amaherawhchu, Mizo te zingah Lehkhathiam hmasa te khan Râm changkang tak tak te anlo tlawh ve thin a, an thu rawn hawn thin chu “Khawlaiah bawlhhlawh an paih ngailo, bawlhhlawh a bawmah chauh an paih thin, bawlhhlawh bawmah USE ME tih an tar.” A lo thiam hmasa te khan Aizawl an rawn thlenin an au chhuahpuia nasa ve hle awm e. Mahse, kan State Sorkar pachhetak tan chuan Bawlhhlawh han sawngbawl ngaihna a awm ngang lo.

Foreing kal hmasa te atangin hmasawnna hmuh tur atam lo hle mai. An zin veivah Sapram chanchin ziahah kan inchhiar liam ta mai mai a ni. Râm hausakna intodelhnain a a kentel ve hi a ni. Tin, India Sorkar hnuaia awm lovin English ho awpna hnuaiah khan awm ila hei ai hian kan chângkângin, hriselna leh faina kawng hma kan sawn ngeiin a rinawm. Mahse, kan tân thil tha ber a nilo aniang.

Faina leh Hriselna kawngah chakvutin hmasawnna alo thleng thei. Sorkar leh khawtlang hruaitu te tanrualna hmalakna in engkim atih theih vek. A hmasa berah chuan tuna Sorkarin Bawlhhlawh a paih dânah a tawih thei leh theilo thliar dân hi kalpui zelin Garbage Bag- ah khung thlapa Dustbin ( bawlhhlawhbawm-ah khung), Bawhlhawh chhekkhawlna rêng rêng inchhungah nilo se, pawn”varanda” – ah nithei se. Bawlhlawh paih Ni leh Darkar bithliah fel tak neia bawh pelh mai mai thin loh. Kawngkam leh khawlaiah bawlhhlawh paih phalloh nise, paihlui thin te chawitir ni ve se, Motor leh lirthei chunga chuang/chhung achuang te atangin bawlhhlawh pawnah paihchhuah khap/paihching man te pawisa chawitir zêl ni se.Tin, Mizo te minti tawp lehzualtu chu chilchhah leh khâkchhah hi a ni. Hêngte pawh hi khap dân a awm, Kuhva eina sen (chinai banga tah luai te) kawngkama kan han chhaktluar mai hi chu azialo khawp mai. Hei pawh hi hremna lekkawh ngam a, pawisa chawitir emaw tifai lehnghal tura thupek theihna dân siam ni se.

A dang leh ah chuan; kan thil eina kawr leh fun nâna kan hman rêng rêng chi chu zawpral thei nirawh se. Sarang leh polythene lam chi rêng rêng hman khap ni rawh se. Tui lam chi kan inna bur ruak plastic/glass bottle,.etc leh polythene lam chi rêng rêng hal emaw khawi hmunah mah paih phalloh nise, paih palhte pawisa tam deuh hlek chawitir nise. Khawi hmunah pawh (Mizoram chhungah)Sorkarin bawlhhlawh paihna hmun(Dumping ground) a siamah lo chuan bawlhhlawh paih hnutchhiah phalloh, zawmlo te chawitir theihna dân nghet siam a tul tawh. Khawpui leh thingtlang inkar kawng (Khaw kar kawng)-a Motor atanga bawlhhlawh paihchhuah loh, ramhnuaiah bawlhhlawh paih loh.

Khawpui chhûngah emaw pawn lamah pawh nise, Institution, industry, manufacture, Motor workshop,furniture workshop bun/din tûr te leh din mêk tên Bawlhhlawh leh tuichhe paihna mumal tak an nei ngêi ngêi tur a ni. Khawpui thlî luanchhuahna (Drainage System) tha tak kan neih a ngai tawh. Kan drainage system hi a type ala hniam vêt vêt êm a ni. Engpawh nise, kan bawlhlawh tihral (disposal) dân tha viau mahse boruak tichhe thei ‘air pollution’ tichhuak tlêm thei ang bêr kan ngaihtuah ran a ngai. Chubakah a tihral chu thil harlo tak pawh ani thei, Khawlai leh kawrkam in leh a vel-ah te bawlhhlawh paihloh kan inzirtir rêng a ngai. Mipui punkhawmna êk êk tawhah chuan bawlhlawh hnutchhiah hi phalloh bur nise. Tin, khawlaiah /kawtkamah Bawlhhlawh bawm (outdoor dustbin) hun loh nise, hei hi mipui in kan hmang thiam tâk tâk lo. Mahni bawlhhlawh chu hawn zêl nise a tha bêr.

Ei leh in, lam FAINA; Mizo te hi hnam upa lo tâk kan ni a,êi leh în kawngah kan fîmkhur tawk lo. Centenary kan hmanna pawh a rei ve ta. Kan KA hlei luat avânga nâtna kan insiam nasat zia leh sûm kan thehthang hnem zia hi chhut sên pawh ani tawh lo. Sadah, tuibur, khaini, kuhva, Zial chi hrâng hrâng, ruihhlo ‘Zu leh damdawi,’ te avâng hian a hun lova thîhna Mizo te zîngah a zual sauh sauh a. Khawthlâng lam atânga KUHVA chhia siam, Zarda,Shekhar,Terang leh ilo êitur thianghlimlo te avângin Naupang chenin kan thiin kan Nâ ta sup sup a nih hi. Heti chung pawh hian Zofate chu kan la harchhuak thei chuang lo. Hetiang êitur thianghlim lo siamtu Food Industry thenkhat te chu India râmah hian hremtu neilo âng maiin an zâlen hrep leh lehnghal a.

Hnam hnufual nih kan duh silo. Mahse, hêng êi leh în tuihnailo leh hrisello te hi kan bansân thei miah lo. Chuvângin Sorkar-in Râm chhûngah lakluh a khap mai a ngai. Dân tlawhchhanin khirh taka he Food Industry thenkhat êi leh în tuihnailo leh hriselna atâna tha lo te chu lakluh (Import) khap tlat angai a ni. NGO’s te khuahkhirhna hnuaia hmalâkna ringawt hi Sorkar innghahna chi ani tawh lo. Hêng Kan râm tâna thalo; Tuibur, Sahdah, Khaini, Kuhva, Zu, Meizial, Damdawi ruihhlo(No 4) ,. te êi în lama kan hman Kamram chi hrâng hrâng kan lakluh te nên lam hian DAN hnuaiah Dân hmangin khuahkhirh leh khap burna dân siam hi thil har a nilo. Hêng hi akhap a zawnga hmalak anih loh chuan Mizo mipui anawlpuiin dam reng anga inngai dam silo leh kum tam daihlo tur thalai kan pung tual tual a ni. Chuvângin Kan ram leh hnam humhalh kawngah khingho khi kan beihnat avan ngai tâk em.

Thil tullo lotheihloha (addict) insiamna mai mai, taksa tâna tangkai hauhlo leh kan nunna pawttawi tu an ni. Hetiang thil tullo avâng hian kan hriselna namen lovin ati chhia a, tullo leh tul takin Damdawi kan seng nasa êm êm a ni. Chuvangin, râm leh hnâm tâna himlo anih avangin khapna dân siam hi inthlahrunna tur a awmlo in a lâng. Engpawhnise, khapna dân siam hi kan ramah hian siam sen pawh ani tawh loâng. Hnam chianglo tâk leh Sorkar châklo, political sukthlek puitlinglo tak ram kan ni a. Zu khap khap leh lo te inkar hnuaia khawsa mai mai kan la nih avângin DAN hman zirthiamna kan la senglut lo cheu ani ber mai. Dân anga hêng hi khap bur ni ta pawh nise, kan hriattawh angin India ram dân hi abuaithlak hle a ni. A man tu in êk a cheh anih chang a awm fo thin. Chuvangin, engpawh chu nirawh se, Kan Râm kan Hnam râl tial tial te, thalai an han pung chak a, nula tlangval ti tuai nalh tâk tâk te an thatlai hun ngei maia Eitur kamram hirsello leh zu ruihhlo avânga dam vur anga lang ral tial tial tam zia hi hmuh chuan ngaihtuahin athinurthlak hle a ni.

Ram leh Hnam humhim a, chhan tur hian tih tur tam angai lo. Zuk leh Hmuam, ruihhlo ti lo la, i nupui fanau te hêng lakah hian fihlim turin enkawl bawk ang che. Tichuan, YMA Kumpuan, ram leh hnam humhalhna kawngah hna pawimawh ber i thawk tih na a ni.

YMA tang fan fan fan…

Leave a Reply