YMA KUMPUAN: Ram Leh Hnam Humhalh

Hnam humhalhna kawngah Zofate kan inthurual tana a lawmawm hle mai. Mizoram pum huap Dan lova Mizoram a rawn lut hnam dang tamzia kha kan hre theuh awm e. Check runpui neih zeuh zeuh a la ngai dâwn chauh a ni. Mizoram-ah hian Sing chuang fe chu ILP nei lova a ruka khawsa an awm turah ngaih a ni. Heng ho hian kan economic ati tla hniam êm êm a. Economic system pawhin a tuar viau awm e.

ILP neilo chu sawi loh, a Sponsor tute’n an ngaihsak tawh lo engngemaw chên tangkhang tawh te, an sponsor-ang a hna thawk tawh hauh lo te, ILP thi tawh renew mailo a awm tangkhang te nen chuan Mizoram-ah hian State dang atanga Hnam dang rawn lut hi Nuai fê an awm tihna a ni.

Chutihlai chuan, State dang atang hian rawn luh tum mêk engnge maw zah chu awm turah ngai ila. Mizoram-ah hian Mizo hnam bil nilo hnam dang State dang atanga lo lut hi an tam êm êm a, ILP an neih zel alo ngai bawk nen Sorkar in a tihtur atih loh avangin harsatna kan tuar zel a ni. North East India -a State hrang hrang 7 te chu “Seven Sister States of Northeastern India” tih deuh kher a ni a, chuta State hrang hrangte chu; Arunachal Pradesh, Assam, Manipur, Meghalaya, Mizoram, Nagaland, Tripura te kan ni. Maghalaya, Assam leh Tripura atang hian an rawn lut tlangpui. Amaherawh chu tuna kan ram chhunga Cement Work hnathawka rawn lut tam ber kan buaipui êm êm Vai kan tih hi Bangladesh(Mosolman) an ni. Heng Vai ILP nei ho pawh hi atam zawk chu India(Indian) khua leh tui nihna an nei hauh lovang. Lo nei pawh nise, Assam & Meghalaya etc. emaw atanga administration fuh tawk loh vang leh Politic dinchan duh vanga Roll-a thun ruk nih vang a ni. Chuvângin, keini ngei pawh hi fimkhur angai reng a, Sorkar zawk hi a fimkhur zawk nghe nghe a, amaherawh chu Political party family kumhlun/zauh tum vangin hnamdang roll-a thun duh mai kan la awm tlat te hi a vanduaithlak hle a ni. Tin, Kristiana(Sakhuana, rinna) Mizo hnam humhalhna kawngah mahni hnam hralh tu an ni a, Sorkar dan bawhchhe tu an ni bawk. Chuvangin, hetiang ang rilru nghet tlat nei te hi kawng engkimah India khua leh tui nihna kawngah paih-thlak tlak, Sakhua leh Hnam ang pawha ensan tlâk an ni.

ILP kan tih hian Parmanent a kawk hauh lo a, Temporary mai ni mahse, kan ram ei leh barah a nghawng nasat zia te leh kut hnathawk tute tan eizawnna kawngah atihbahlah nasat zia te, sumdawnna kawngah thalai zawkte a break nasat bakah thil man mumal siam theih loh fo chhan te, sumdawnna êi leh în kawngah tlinglo, diklo, buk dik lo, thianghlim lo, inbumna a sang em em a ni. Tin, tunlai ruihhlo hlauhawm tak takte hi an fawmkem tel zel tak avang hian YMA chuan ala thutak hle a ni. ILP neilo leh ILP thi tawh man hi Dan a ni a, chuvângin Dan lova Mizoram-a lo lut hnam dangte Dan hmangin man an niin Dan hmang veka thawn kîr leh mai an ni.

ILP CHECK DAWNA HRIATTUR TLANGPUI:
Guidelines For The Enforcement of The Inner Line Permit (ILP) Regulation In Mizoram :- Govt. Notification atih chhuaha ILP chungchang tlangpui pawimawh te :

1. Guidelines No 2 (1) a Categories of Persons to be exempted atih a ILP neih ngai lo tura a sawi te chu Ram leilung fate, Govt Officer on Duty te, Security Forces leh an chhungte te, Sorkar hnathawk nghet (Regular & Permanent) te, Sorkar hnathawk Retired tawh Mizo nupui/pasal neih vanga Mizoram a awmzui te, Government Ukil leh Defence Panel of Government Ukil te, Govt Undertaking leh Corporation a thawk te chu ILP neih ngai lo tura awl an ni, mahse man an tawh loh nan ID tha tak annei tur ani. ( Private company entirnan PWD hnuaia kawnglai ho ABCI, Tantia, Sunshine oversea, etc..hnathawkte hian ILP an ngai vek tih hriat a tha)

2.Hnamdang thenkhat (Mutia/Mistiri/Mechanic etc) Mizoram Voter ID lo nei ve ta ngawt ten phakar chhuahin an tan ILP neih a ngai tawh lo angin an insawi thin, ILP Check tuten thudik emaw tiin an man loh phah fo thin, mahse a chunga Guideline-a awl (exempted) list zingah an tel miau siloh avangin ILP an neih ngei angai tho. Voter ID leh ILP in inzawmna a nei lo ani.

3.Hnamdang hmeichhia an nupui / farnu te an pasal emaw an unau ten ILP an neih vang ngawtin awl theih anni lo, an neih ve tho a ngai. Dan inti hre takin hmeichhia ten neih ngai ve lo tiin ILP check tute anlo bum fo thin. Zirlai annih chuan an zirna in siam ID annei tur ani.

4.Mizo thenkhatin Adoption Certificate mumal pawh nilo Affidavit paper a hnamdang puitling an falak (Adopt) hi ILP awl phah tum nan hmang an awm, hei hi Kristianna kawra hman tumna leh ILP awl theihna Dan a awm loh avangin ILP an neih ve tho a ngai.

5. Gorkhali / Nepali nazawng hi ILP awl theih ngawt anni lo, kum 1950 hma lama awm te leh an thlah te chauh awl annih avangin an Census List-a awm lo chu ILP an neih angai ani.

6. Sorkar sponsored programme hmang tura sawm te chu ILP awl anni, mahse a sponsor tu Dept. in ILP awl an nihna Exemption Certificate an pe tur a ni.

7. Hnamdang miin Mizo nupui aneih vang ringawtin ILP awl theih ani lo, Guideline a awl theihna nei anih loh chuan ILP an neih ngei angai.

8. Tunlaiin Restaurant / Hotel ah Tripura vai leh Garo te Cook a tan an intih hmuh a, ILP awl zingah an tel loh avangin an neih tho a ngai ani. Tin, Workshop leh Servicing Centre ah te hnamdang leh Meitei tam tak an thawk bawk, kan ramin a mamawh anih pawhin Dan anga ILP anneih ve ngei a ngai tho ani.

Sorkarin ILP khaihhruaina a siam hi Ram Leh Hnam Humhalh nan chiang leh zuala hriat leh hman tangkai tum ila a tha awm e. Kan rama awm turte chu Dan dikin awm se tih hi YMA in kan ti mai ani.

Leave a Reply