YMA Kumpuan : Ram Leh Hnam Humhalh

Mizo hnahthlak unaute Eizawnna kawngah kan intanpui tawn a tul ta hle mai. Eizawnna; Sorkar hnuaiah emaw Sumdawnna kawngah te, Lehkha zirna hmun(Private Institution thlengin)-ah te, infiamna(Sport), hlawhfa chungchangah te, Company(Private)-a hna thawhna lam thlengin firfiak taka induhsakna lian tak kan neih chhoh atul ve ta hle mai.

Hnamdangin kawngtinrengin min RUN renga, ngawih bo mai chi ani tawh lo. Sumdawnna kawng engkimah hnamdang kutah kan innghat deuh der tawh a ni. Sumdawnna kawngah kan harhthar chho ve mek a, kawl a engchho ve tan dawn ek ek a, mahse hnathawk tha peih lo sum hmachhuana sumdawnna kawnga ke pen zung zung thei zawk ‘thawhtlema neih tam tum’ te chuan DAN pawisa lovin Hnamdangte hrui hruala inthlunbeh luihtir tlatin kan intlak khalh tir zel a, heivang hian thangthar |HALAI zawkte hmakhua tur a chhe zawngin minhnuhluhpui tan mek a ni. MIZO thenkhatin kan HMING hawhin VAI kan sumdawn tira, kan uar sauh sauh emaw tih mai tur a ni. Rod, Cement, Balu,etc., zuar thenkhat te hi Mizo ta emaw ti ila, a ruk takin Vai ta zawk, Share tam tak neiin, dawr hmingputu Mizo te erawh chuan Share (Hming hawh man) tlem neiin hahdam takin ei hmuh nan an hmang thung, hei hi a pawikhawp mai. Sumdawnna diklo min hmachhawntir a, chubakah bukna dik lo leh bungrua kim loin lohtheihlohin kan mamawh min leitira, Kan pawisa nasa takin arukin min chhuhsak a ni. Sorkar hnathawh tur a tlem tual tual a, thalai thangthar zawkte chu Sumdawnna lamah kan luh ala ngai zual dawn si a. Tunah chuan engkim thawh kan inhuam ve a ngai tawh tak zet a ni, chumirual chuan Thiam thil/Thiamna hmanga hnathawh kan uar sauh sauh a tul ta hle mai, chu chu hnamdang kan umchhuahna kawng tha ber a ni a, Ram leh Hnam Humhalhna tha tichaktu ber ani bawk ang.

Abik takin kan rama In satu te VAI kan tih mai (Cement Mistiri ho) Bangladesh mi an tam zawkmahin arinawm, Mizoramah an duhthalin an cheta a ni ber mai. Heng ho hi control an ngai khawp in a lang. Mizo thalaite eizawnna tur an chhuhsak zung zunga, an thiam emaw thiam lo emaw engkimah an risk a sang em em a, an inringtawk viau vek a ni. Naupangte in Misitiri an inchhal zung zunga, an hnathawh tamtak a pawrin duhthusam zanloh thil thleng mahse an pha zung zung a, rinawm takin keini zawk hian kan chhhawr reng thei tho. ‘Tih at in kan awm mek a ni’, Vai thenkhat Cement hnathawh tur neiloin Panhnah zawrh, kuhva rah, chitin mai hi anfawmkem vek emaw tih mai tur a ni. Heivang hian kan hriatloh laiin engmah tih hreh an neilo tih kan hriat a tha. Chungchuan kan veng /khua min tibuai ta a ni. Bengsika kan inngaihtuah tlan a tul ta hle mai.

Hlawhfa chhawr chungchangah pawh hnamdang kan hnawl ngam a tul ta. Thiamna inang rau rauah pawh kan Mizo-pui ngei i thlang zel ang u. Hlawhfa Rate hniam zawk hnamdang aiin Rate sang deuh pawh nise Mizo zawk kan thlan zel a ngai. Hetia Mizo te kan induhsaka kan inchhawr zel hian kan Ram pawisa hlu tak chu a luangliam dawn lo a, keimahni bawk chhiatni thatni a kan intanpui tawn zelna tur a ni. Tin, hlawhfa te pawhin uchuak lutuk lo zawngte pawh a kan in hisap ve a tul ang. Kan Mizo-pui te kawng engkimah kan induhsak bik a ngai. Kan ramah hnamdang inhlawhfa leh sumdawng an tam tawh em em a, hei hian thangthar thalaite eizawnna tur namenloin a dang chep a ni. Kan ram Economic a ti hniam sawt hle bawk. Chuvangin, kan ram atanga hnamdang umbo tur chuan thawh hreh kan neihloh a ngai. Thiamna, zirna lam pawh i uar sauh sauh ang u.

Cement Mistiri/helper, Steel fabrication, Painting(In Rawng hnawih), Artui Zuar (Artui Supplier), Electronic Machine Mechanic( Agent ten hnamdang mechanic kan la lut kher) Tow& Four Wheeler Mechanic( Agent ten hnamdang kan la lut), Cement, Bricks, Rod, Balu zuar, Bungrua eichawp dawr lian neitu te, Thlai-(chawhmeh) khar chhawngtu te thleng hian HNAMDANG deuh vek niin, kan ramah ‘Ro an rêl’ ta ani der mai. Kan Ram dinchhuahnan Zo-hnahthlak unau zawng zawngten; Huaisenna, Taimakna, Thiamna, Tumruhna, Teirei peihna in an hna hi i chhuh vek tawh ang.

Leave a Reply