YMA KUMPUAN ‘ZIRNA UAR’ HAWNNA NEIH A NI

Ni 24.01.2020 (Zirtawpni) zan dar 7:00 Pm khan Vanapa Hall ah Central YMA Kumpuan “ZIRNA UAR” hawnnna neih a ni. Hetah hian Aizawl City Branch 104 atangin kalkhawm a ni.

Pu Vanlalruata, President CYMA in inkhawm a kaihruai a, Er. Lalrinawma, Kumpuan Secretary in hunserh a hmang a ni. Prof. Lalnuntluanga, General Secretary CYMA hnen atangin thupuan ngaihthlak a ni a, tun dinhmun ah YMA member mi 4,46,623 kan ni. He kumpuan hi kum 2019 atanga 2021 chhung hman tur ani.

Tv. Lalhmachhuana, Vice President CYMA leh Kumpuan Sub-Committee Chairman ni bawk hnen atangin thusawi ngaihthlak a ni a. A hnen atangin “Zirna uar hi Central YMA hian kumpuan atan kum 1996 leh 1997 khan kanlo hmang tawh a, ‘Ram leh Hnam Humhalh’ kumpuan ah kum 14 lai kan puang zawn bawk a, hun rei tak Direct IAS leh IPS etc. kan nei tawh lova, chuvang chuan kan tualzawl nun pawh thlak danglam angai a ni. Nu leh Pa kan chhuak tam lutuk te hi a veiawm a, a theih hram chuan inchhuah chhawk angai tawh a ni. Zirlai, nu leh pa, kohhran, khawtlang leh sawrkar kan tanrual angai tawh hle a ni, hetiang ti thei tur hian YMA leh Sawrkar pawhin mi thiamthei fal deuh te duhsak takin chhawmdawl chho sela, hmasawnna duhawm kan nei ngei ang. Tin, zirna bul thut atangin kan vei angai a, kan khawtlang zirna hmun te bel chiang ila, vantlang ang pawhin tanpui an ngaihna ah tanpui i inhuam ang u, zirna ah hma kan sawn chuan rukruk leh sualna chi hrang hrang te hi kan um bo thei ang. Chhiarpui hnuhnung ah pawh kan Literacy Percentage a tlahniam nasa a, Bihar leh Uttar Pradesh te literacy ah an sanglo, mahse Central Service ah an lut zawihzawih si chuan Mizoram Education System pawh hi kan zirchian angai a ni. Kan khawtlang tanrualna a pawimawh ber a ni” tih thu a sawi ngaihthlak a ni a, a thusawi zawh ah Kumpuan hi a hawng nghal a ni.

Bethlehem Vengthlang Branch YMA zaipawl in “Khuavel ila chhingngei ang” tih hla leh Nl. Esther Lalrinhlui, Chaltlang Branch YMA in “Zoram lungphang suh aw” tih hla sa in kalkhawm te an awi a ni.

President in chair atangin thu tha tak tak a sawi a, kum tamtak kanlo buaipui tawh Tuikuk chungchang chinfel a ni chu lawmawm atih thu te a sawi tel bawk a ni.

Lawmthu sawina Pu Roneihthanga, Finance Secretary hnen atangin ngaihthlak a ni bawk.

Treasurer kal chhuak Pu Lalrochuanga Pachuau CEC Member-in tawngtai in min tin a ni.

Kumpuan hawnna inkhawm Reception & Ushering hna hi Tuikual South Branch YMA in min thawhsak a, Refreshment Venghlui Branch YMA in min buaipui bawk.

He hun hmanna ah hian kan Branch atangin Branch Executive Member thahnem tak an kal a ni.

Leave a Reply