YMA THUTHLUNG

1. Mizote hi thlahtu a tanga hnam huaisen, tlawmngai leh hawihhawm kan ni thin a, chung ze mawite chu ka nunphungah a par ve tur a ni.

2. Hlemhletna chi hrang hrangte, ruihtheih thil chi hrang hrangte hi, YMA nihphung nen a inkalh tlat tih hriain, heng lakah hian ka fihlim tur a ni.

3. Kan hnam rohlu ber tlawmngaihna hi, ka hnampuite leh hnamdangte mithmuhah, chhuanawm takin ka lantir ang a, Mizo hnam zahawmna puanchhuahna atan ka hmang thin tur a ni.

4. Aia upa zah hi Mizo hnam zemawi tak a ni a, chuvangin dinhmun lama hnuaihnung zawk pawh nise, kei aia upa zawk tawh phawt chu zah takin ka en tur a ni.

5. Hnamdangte ka hmusit mai tur a ni lova, an ngaihnep theih zawngin ka awm tur a ni lo.

6. Mahni intodelh hi zahawmna leh huaisenna a ni tih hriain, mite bantu ni lova, mite tanpuitu ni thei turin, mahni kein ka ding thei tur a ni.

7. Nungcha, thing leh maute hi mihringten kawng tinrenga kan mamawh a ni tih hriain, theihtawp chhuahin ka humhalh tur a ni.

8. Ram roreltute thawhpui thiam mi, sawisel mai lova th=urawn petu nih ka tum tur a ni a, sorkar tan khua leh tui tha ka ni tur a ni.

9. Mahni tanghma chauh thlir lovin, midang hmakhua ka thlir fo a tul a, midangte ngaihdan zah a, zawm thiam mi ka ni tur a ni.

10. YMA member ka nih avangin, Mizo hnam mawina leh, YMA thianghlimna puangchhuaktu ni turin, ka nunphungah ka fimkhur reng tur a ni.

Leave a Reply