YMA TOBUL LEH A KAIHHNAWIH

– K. Lalroenga
Saitual
Source; CYMA Chanchinbu

YMA tobul leh alo chhuah dan mithiamte leh hotuten an sawi thin a, an la sawiloh lam deuh a pangkhing lehlam inthlahrung tak chungin kan sawi chhuak ve teh ang. Thingtlang ringtu hmasa Upa te titi kan hriat ang angin ka sawi dawn a ni.

Kum 1894-ah Chanchin Tha lo lutin, a hnu zelah Harhna lo thlengin, harhna lo thlen atangin Lalte lalna hnuaiah Zofate chu hmun hnihah inthen phawkin, Isua Krista ringtu ten, ramhnuai hnena inthawi bansanin, Pathianin thalaite min suihfinna pawl chu alo ding ta a. Mizoten Kut kan hman thin ah pawh a thianghlim chin, hnamlam te, Customary Law ah pawh a thalai chauh chhawmnungtu pawl chu YMA hi a ni. Kohhran mal rindan chah la ngai lo, kohhran hrang hrangte nundan tha chauh ngaisangtu thalaite pawl a ni.

Thalaite Zawlbuk rorelna-in a phuar phak tawhloh turte Chanchintha meichher kengtu, thalaite fuihtu, hnam lungrualna kulhpui, Mizo thalaite venghimtu pawl, khawchhung vawng himtu pawl, Zofate hmasawnna ngaituah tura Missionary rilru pua din.Chutiang chu anih avangin, ram leh hnam humhalh te, intodelh te, ruihhlo do te, tanpui ngaite tanpui chu a hna pui ber a ni a. Mi thenkhatten kumpuan hi sawisel thin mahse, kuanglo nawr ti mahse, YMA memberte duty ani tlat. Khatia Mizo thalaiten chunglam Culture thar kan neih chiah khan, uain hluia kut tawh lova, a thara hnamfa kan kut na turte, kan tihdan hlui bansan a, a thara nung chho mek, thalaite dawngdah mai mai tur tihtur thar kawhhmuhtu tura din a ni.

Chuvangin, kristiante nundan thaa nung tura ruihtheihthil ti thin, Pathian rama lut turte bumtu hmanrua chu a do zawk a ni. Tun hmaa Chapchar awllen, favang awllen ah te awm mai mai khan tunah chuan, khawtlang thatna tur ngaihtuahin a hunawl chu a hmang tawh zawk a ni.

‘Lal Isua lo ring ve rawh e.’ ti tute din anih avangin, ruihtheihthil ti te tan, hruaitu nih hi thil inhmehlo tak a ni. Ruihtheihthil timi te an tlawmngailo ni loin, pawl thianghlim anih vangte, alo din chhuah dan thianghlim vang tein, ruihhlothil ti mi te an inthlahrung zawk thin a ni. He pawl hian Kristiante tih a tana mawi chauh a ti thin a ni.

Leave a Reply