YMA ZAIPAWL

– Pu Vanlalenga
OB Incharge, Zaipawl

Inter Branch YMA Zaipawl intihsiakna a tel tura Branch in hma kan la hi thinlung takin ka lawm hle mai, a hlawhtlinna pawh hmuh tum ila. Central atanga kan thu hmuh te kan han bawhzui that hian Branch puitling zia kan nihna lan chhuahna a ni thei.

Branch Committee ina kan han rel phat atang khan kan thalai te ngaihtuah chungin chak bawk si huphurh bawk siin telve nise tiin zangkhai takin kan ti thlu ta a, kan boruak a zangkhai ta hle mai. A chhan chu ka rinloh tak tak ten an rawn rawt phur tlat mai kha niin ka hria. Hei hian Mizote zai kan ngainat zia pawh min hriat chhuah tir uai aui mai a ni. chumai bakah kan senior zawk tena kan thalai te Talent pho chhuak zawng a an rilru an pe a te, thalai te hi kan thatlai a rei dawn lova kan hun tha neih laia Zoram pum Zaipawl intihsiakna a tel ve ngei an duhna thinlung hi tha ka van ti tak em !! An mi beiseina leh duh sak na hi Zaipawl member ten ngai pawimawhin nu leh pa te pawhin in thlawp tlat ang u tiin kan insawm a ni.

Kan Zaipawl member te hi in bih chiang dawn teh ang. Ni e, thil hriat hmasak te pawh hi a ngai reng a ni. Kan member turte hi maw Television, Stage, Meet, Biakin leh function hrang hrang a hmun lai lum lo luah tawhte a tawi zawngin Nursery Veng IDOL an fuan khawn dawn a ni ber mai. Hei pawh hi eng vang nge kan tih chuan Branch Hnuaia Zaipawl Committee member ten a thlan chungchangah an uluk in thil an thlir thiam em vang niin a lang. ‘Pi Lalsangzuali Sailo (L)’ ka van ui tak em, veng tih takah zaithiam pawh kan lo tam hei lo pawh thlan tur an la awm a nia.

Tunlai thangthar hantive mial ila a zai mai bakah Solfa an thiam hlawm hi amak, Kohhran hrang a tang pawh thlirin a zai thiam leh solfa thiamte kal khawmna intawh khawmna tur a ni chhungho AW han in chawhpawlh kawi kual thaurtham fawn tliang hnum mam confi a han hrual mun an thangkhawk rimawi tur chu beng chitin mai chuan an ngaithla dawn a ni a, chu mi hunah chuan kan meng phal tawh nang. Kan han men chhun lah chuan tlarhmaah a hmaifang tha an dah emaw min ti anga a lang lovah kah chhuah kan hlauh avanga kan thuhrukte, asirah lah model nimai awma mawi piannalhin an karcheh dawn. A hnung lamah lah sawisel bo hlir Lenlamah lah basketball Lakers team a tel niawm tak ten min han uap dawn a ni a, a thlamuan thlak awm mang e.

Football tawngkam hawh teh ang kan Team Squad hi chu a phui mup dawn ni ber hian ka hria Sir Alex kan ngailo. Tih tak tak kan tih anih ngat chuan TOPER nih hi thil harsa ah ka ngailo. Heng zawng zawng a hma min lakpui tur hian kan Chairman leh Conductorten sulhnu tamtak an lo nei tawh bawk a.a lawmawm leh zel a nia. An nihna tak ka sawi chuan bawl min ti ang tih ka hlau si ka sawi leh lo mai ang. A tawp ber ah chuan YMA hi pawl thianghlim a nih angin kan thiltihna turah hian pathian rawn ila a hlawhtlinna pawh a kutah a awm tih hria ila. Engpawh ni se Hlazirna ah kan in hmu ngei dawn nia.

Leave a Reply