ZIRLAI CHHUANAWM – Jeptha H. Lalawmpuia

(3rd Position, HSSLC Examination (Science), 2019

Jeptha H. Lalawmpuia hi Dr. H. Lalthanzara leh Pi Laltlankimi-te fapa pali zinga a pathumna a ni a. Tun tum HSSLC Result chhuakah khan Distinction-ah pass in, Mizoram pumah Pathumna(3rd position) niin, subject zawng zawng-ah Letter a hmu vek a, Mark za zelah 90.8 (90.8%) a hmu phak a ni.

Jeptha
Jeptha

A sikul luhna thinte: Kg. 1 atanga Class 8 hi SS Memorial School, Bungkawn-ah kalin, Class IX atanga Class XII hi St. Pauls HSS ah a kal a ni.
In lama lehkha zir thin dan: Sikul luh tirh atanga hunawl apianga lehkha zir thin a ni a. A pangngai ah chuan Zan lamah darkar 2/3 vel a zir tlangpui a, Exam dawn thla 2 vel la awm atang chuan Nitin darkar 8 atanga darkar 16 vel a zir thin a ni.

Nursery Aw in result thatak a neihna chhan nia a hriat kan zawh chuan “Theih tawp a ka zirna Pathianin mal a sawm vang te, nu leh pa te tanpuina leh tawngtaisakna bakah zirtirtute fuihna vang a ni ber in ka hria. Ka tang ve khawp mai.“ tiin min chhang.

Zir zawm leh tum: Pathianin rem a tih chuan College tha-ah B.Sc. kal a, M.Sc. thleng tha taka zawh hnu a Civil Service a lut tura inbuatsaih leh chu a tum ber a ni.

Zirlaipuite hnena chah duh: Taima tak leh awmze nei taka Nu leh Pa leh zirtirtu te thuawih chunga lehkha zir hi a pawimawh ber a ni, tiin a zirlaipuite a chah a ni.

Jeptha hi nu leh pa thu awih leh inkhawm ngaipawimawh mi tak a ni a. Inchhung chet – chhuat nawh, rawngbawl, thlengsil, insuk, kawmkar tihfai te pawh a tul chuan a ti mai zel a, Sikul chawlhlai hunawl ah pawh inhlawh mai thin mi a ni.

Jeptha taimakna leh tumruhna hi zirlai dangte pawhin entawn atan a tha hle mai.

Leave a Reply